Гэлэнмаа болхоор шийдсэн нь

Тэрэлж рүү явж байгаагүй хүн ховор байх. Мэлхий хадны яг чанх хойшоо нэгэн хийд байдаг юм. Урьд нь хүмүүс барагтааа мэддэггүй байсан ба сүүлд нь манай дуучин одууд маань тэнд клипны зураг авалт хийж хүмүүс тэр хийдийг андахаа байсан. Аръяавал бурханы хийд - бясалгалын төв гэсэн албан ёсны нэртэй газар л даа. Түүнийг барих гэж 5-6 жил болсон гэсэн. Магадгүй түүнээс ч илүү удаж баригдсан байх. Дэргэдээ цагаан хоолны газартай... тун сайхан байгалтай. Арын уул нь оройны хэсэгт чулуун хадан дээр түвд бичиг сийлсэн байдаг. Түвд хэл мэдэхгүй ч тэндхийн даамал тарни гэж байсан.

Анх 5 жилийн өмнө санаандгүй тэнд очиж байсан боловч сүүлдээ зав гармагц л тэнд очдог болсон. Байгалийн сайханаас гадна тэр газар цаанаа л нэг гоё тайвширмаар... Ялангуя өглөө эрт нар дөнгөж мандмагц очиход юутай сайхан гээч. Дүүжин гүүрээр гарахад 2 тийш найгаад л... Өндөр ууланд байдаг болхоор мэлхий хадны хэсэг газар яг л алган дээр байгаа юм шиг харагддаг. Сүүлдээ ч тэр хавийн бүх хад чулууг андахаа байсан даа. Бясалгалын төв болхоороо тэр үү цаанаа л эерэг энергитэй, эрч хүч дүүрэн болоод л буцахаар газар. Нэг бодлын тэнд бүр мөсөн үлдэж амьдармаар...

Гэлэнмаа болоод амьдарч үзвэл амьдралд хандах хандлага, аливаа зүйлсийн талаархи үзэл бодол маань хэрхэн өөрчлөгдөх бол...? Ийм бодол тэнд очих бүрт өөрийн эрхгүй үе үе төрдөг байлаа. Тэгээд санаандгүй мессенжерийн статус дээрээ "Гэлэнмаа болхоор шийдэв" гээд бичээд тавьчихсан чинь нэгэн танил залуу маань чухам сандран орж ирээд: "Чи нээрээ гэлэнмаа болох гэж байгаа юм уу?!" гэж асуухаар нь нээрээ ч үзмээр юм уу гэж саваагүй бодол төрсөн юм. Намайг Тэрэлжийн тэр хийдэд очих дуртайг сайн мэддэг байсан болхоор гайхаагүй бололтой. Би ч бас: "Нээрээ, Тэрэлжийн хийдэд хүсэлт тавьсан, тэнд амьдрахаар болсон" гэлээ. Тэгсэн чинь чухам гэлэнмаа болхоос минь өмнө уулзаж хамт хоол идье гээд оройн хоолонд урив.

Орой ажлаа тарчихаад хамт ажилладаг найз охин Суугинатайгаа хоол идэхээр очлоо. Гэтэл танил маань аль хэдийнээ ирчихсэн сэтгэл нь хачин хөдөлчихсөн сууж байна. Тэгээд хамт хоол идэнгээ ойр зуур зүйлийн тухай ярилцаж суухад: "Чамайг тэнд гэлэнмаа болоход хааяа очиж эргэж байж болох бол уу? Чамд гэлэнмаагийн хувцас гоё зохино доо... бүүр нүдэнд харагдаж байна" гэхэд нь би үнэхээр тэсээгүй инээчихэж билээ. Үнэхээр ургуулан бодох чадвар сайтай найзтайгаа тэгэхэд л мэдэрсэн. Уг нь тэр өдөр 4 сарын 1 байсан л даа. Би зүгээр л саваагүйтэж тоглосон боловч тэр найз маань он сар өдрөө мартсан бас дээр нь надаа дэндүү итгэж үнэмшсэн байлаа.

Хүний итгэл үнэмшилээр тоглох муухай гэдгийг мэдэх ч нөгөө талаас тэр найз маань намайг мэддэггүйг сайн ойлгосон. Яаж ч бодсон над шиг зан ааш, "темперамент"-тай сэдэн үйлдэгч бүсгүй гэлэнмаа болно гэдэгт яаж үнэмшиж буйг нь ер ойлгоогүй. Ямартаа ч гэлэнмаагийн хувцас зохиж магадгүй л юм шиг байна. Уг нь гэлэнмаа эсвэл хандмаа болвол бас сайхан давуу талууд их л байх. Гэхдээ л халхын сайхан залуусгүйгээр амьдарна гэвэл дэндүү гунигтай санагднам. Гэлэнмаа болсноос 3 элементын эзэн залуутайгаа учирахаа хүлээж, гомдох үедээ гомдож, уйлах үедээ уйлж, инээх үедээ инээж байсан маань хамаагүй дээр. Тэнгэр үргэлж бүрхэг байдаггүй.. яг өнөөдрийх шиг сайхан нар гийгээд тэнгэр маань цэлмээд ирнэ шүү дээ... Өдрийг сайхан өнгөрүүлж бас 4 сарын 1-ийг бүү мартаарай ;)))

Инээгээрэй хүмүүсээ, инээгээрэй... эгэл биш шүү энэ инээд....

Ирж буй инээдмийн баярын мэнд хүргэе!

Ягаан фламинго

Хайрын Портер сэдэв маань хүмүүст янз бүрийн сэтгэгдэл төрүүлсэн бололтой. Гэхдээ ямартаа ч сайхан сэтгэгдэл төрүүлсэнд баярланам. Харин нэгэн зүйлийг дурьдахад энэ сэдвийг бичих болсон маань нэгэн ягаан фламинготой холбоотой байсан болохоос биш би бусад хүмүүст элдэв бодол төрүүлж, болзоо болон киноны урилга авах гэж уг сэдвийг бичээгүй юм шүү. Харамсалтай нь хүмүүс намайг эрэл хайгуул хийж, татуургатай оймсоо өмсөх гэж байна гэж бодсон бололтой. Сайхан урилга өгч санал тавьсанд талархнам, гэхдээ би хүн бүр өөрийн хайрын портер буюу 3 элементын эзнийгээ зөвөөр харж үнэлээсэй гэсэндээ бичсэн болно.
Фламингог өөр ямар ч шувуутай андуурах аргагүй: тэд маш өвөрмөц бие болон өнгөтэй. Фламинго маш урт нарийхан хөлтэй, уян хүзүүтэй. Фламинго – моногам ба хосоо олох гэж уддаг ч нэгэнтээ олсон бол ер хагацдаггүй. Кубын анхны оршин суугчид, индианчууд ягаан фламингог тахин мөргөдөг байсан. Эдгээр шувуудын онцгой өнгөний улмаас тэднийг таинос буюу “галт” хэмээн нэрлэж байж. Учир нь тэдгээрийг Нарнаас гаралтай гэж үздэг байв. Ягаан фламинго болон фламенко бүжгийг нэг үндэс болох ФЛАМ гэж үг холбодог.
ФЛАМ гэдэг нь дүрэлзэх гал гэсэн утгатай. Маш мэдрэмжтэй, романтик, өөдрөг өнгө. Сэтгэлийн баяр баяслын баялагийг илэрхийлдэг. Ягаан фламинго – маш эрч хүчтэй, хамгаас халуун, үнэнчээр хайрлуулах хүслээ илэрхийлж бүжиглэдэг. Бие даасан, эрх чөлөөтэй, давтагдашгүй, “эсвэл бүхнийг эсвэл юу ч үгүй” хэмээх уриатай. Тайван, тогтуун, аз жаргалтай амьдралтай. Ягаан фламинго шиг гэж зүйрлэх нь сексийн хүсэл, дур булаам, сэтгэл татам, өөртөө татах хүчтэй, ихэмсэг, бардам чанарыг агуулдаг.

Шувуудын эр эм бололцож хосоо сонгох бүжиг нь сайхан ч, фламинго шувууны хувьд бүр онцгой гайхалтай бүжигтэй. Ягаан фламинго “гэрлэлтийн” бүжиг хийдэг ба тэр нь нууцлаг sexuality-г илэрхийлдэг. Энэ шувуу өөрийн бүжгийн хөдөлгөөн бүртээ утга агуулж, ямар нэгэн үл мэдэгдэх аргаар хүнийг ховсдох шиг болдог. Ягаан фламингоны бүжиг буюу фламенког үгээр илэрхийлэх аргагүй ба энэ бүжгийг харж мэдрэх л хэрэгтэй. Уг бүжгийн цогтой дурлал, хуял тачаал, хайр, гуа хөдөлгөөн, ихэмсэг байдал нь энэхүү гайхалтай шувуудын өнгө төрхтэй төстэй байдаг. Уг бүжиг нь ягаан фламинготой ижил уян налархай, энхрий, маш нарийн мэдрэмжтэй, дүрэлзсэн тэмүүлэлтэй хөдөлгөөнтэй.

…Амьдрал зогссон мэт мэдрэмж төрүүлж – өөр нэгэн ертөнцөд хүргэдэг. Нарны хуврагын хагас нүцгэн бүжиг – гэрэл гэгээ ба харанхуйн тэмцэл. Фламинго – халуун зуны шувуу, харуй бүрийд манан татаж, бүх зүйл нойрсох үед нууцлаг жимээр нуур ус руу дөхөхөд нар жаргаж, тэнгэр час улаан өнгөөр татагдахад жаргах нарны хүүхэд - ягаан фламинго үзэгдэнэ. Өөрийн хүссэнээ гүйцэтгэж, нууцлаг шинжээ ил гаргаж, хагацалын тухай үл бодож, элдэв багаа хаяж, хайр дурлал энхрийлэлд автдаг.

Ягаан фламинго - үнэхээр сайхан шувуу ба түүний бүжиг нь хэдий гайхалтай ч шувуу л болсон хойно хэзээ ч юунд ч баригдахгүй... алтаар хийж гоёж чимсэн тор байсан ч тэр ялгаагүй өөрийн эрх чөлөөгөө бусдаас дээр тавьж үздэг гэдэг. Миний хувьд ч өөрийн эрх чөлөөгөө ихэд үнэлдэг билээ. Харин сайн дураараа тэр эрх чөлөөгөө өөр зүйлээр солих хүсэл төрүүлэхэд ягаан фламинго нөлөөлөх нь гэж бодсон. Магад тэр эрх чөлөөтэй байдлаа алдалгүй хамтдаа дүүлэх хүсэл төрсөн юм болов уу. Гэхдээ хоёр хүн бие биенээ олж харахаас илүү хамтдаа нэг зүг харж байж бүрэн ойлголцол үүсдэг. Нэгэн зүгт хамтдаа харж чадахгүй бол ганц жигүүртэй шувуу адил газраас ч хөөрч чадахгүй.

Миний бодлоор ямар нэгэн зүйлд өөрөө хүсэж хүрэхгүй бол хүчээр бариад хэзээ ч дийлэхгүй гэж боддог. Тиймээс тэр сайхан ягаан фламинго өөрийн хүссэн газартаа хүрч эрх чөлөөтэйгээр нисэх нь илүүтэй чухал гэж бодогдоно... Сайхан бүжгээ бүжин эрх чөлөөгөө хүссэнээрээ эдлэг дээ... Харин би хувьдаа “хүн нь газраа чимдэг болохоос газар нь хүнээ чимэхгүй” гэж боддог учир өөрийн өнцөгтөө үлдэе дээ. Далд уурхайн уурхайчин бүсгүй эгэл газартаа л байя...


Хүндэтгэсэн,
APO

Хайрын Портер

Хайрын Портер гэж нэр хараад гайхах л байх... Найз Түмээшка маань Харри Поттер гэх гэж байгаад Харри Портер гээд... Би хүн явуулахдаа сайн юм болхоор тэр дор нь аан, нөгөө Хайрын Портер уу гээд өлгөөд л авсан. Санаандгүй хэлсэн үг хирнээ хавар дөхөөд сэтгэл нэг л гэгэлзээд өөрийн эрхгүй хайрын тухай бодол эрэгцүүлэл төрмөөр...

Гэхдээ эрчүүд эмэгтэй хүний улиг болсон бодол хэмээн битгий бодоосой. Нэг онигоо санаанд оров: " ... Нэг залуу найз бүсгүйтэйгээ секс хийж байтал бүсгүй нь: "Чи надад хайртай юу..?" гэж асуухад залуу: "Би чамайг хайрлаагүй тэгээд яаж байгаа юм?!" гэж хариулсан гэдэг. Энэ онигоо нь эрэгтэй эмэгтэй хүмүүсийн хайрын тухай төсөөллийн зөрүүг гаргаж байгаа юм шиг боловч нөгөө талаасаа угаасаа л нэг зүйл байж эрэгтэй эмэгтэй хүмүүс бие биедээ уусан жаргадаг байх.

Би өөрөө эмэгтэй хүний хувьд бодоод үзэхэд эр хүнд дараахи 3 зүйлс өгч чадах юм байна:

1) сэтгэл
2) секс
3) нөхөрлөл ... буюу эдгээрийг хайрын 3 элемент гэе ;)

Эрэгтэй хүний ч хувьд эдгээр гурван зүйлийг нэг хүнээс бүрэн гүйцэд авч чадаж байвал тэр л хайр нь мөн гэж бодогдоно. Харин сэтгэлийн дулааныг нэг хүнээс, сексийн таашаалыг ондоо хүнээс, анд нөхрийн ойлголцолыг огт өөр хүнээс авч байвал эхнэр эсвэл хайртай хүнээ бүрэн төгс утгаар хайрлаж чадаж байгаа эсэхэд эргэлзэл төрөхөөр байна. Эсвэл зарим хосуудад аль нэг хэсэг нь дутагдаад үл ойлголцол үүсэж байж болох талтай.

Миний хувьд би эдгээр 3 элементыг нэг л хүнд харамгүй өгөхийг хүсдэг. Зарим нь намайг хэтэрхий туйлширсан бодолтой гэж магад. Гэхдээ би ганц амьдрахдаа эргээд харамсахааргүй жинхэнэ хайр мэдэрч, тийм сайхан хайрыг л хүнд өгөхийг хүснэ. Бүргэд 33 жил амьдарч, харин хэрээ 300 жил амьдардаг домогтой ижил. Бүргэд хэрээ дээр ирээд: "Чи яаж 300 жил амьдардаг юм? Надаа зааж өгөөч" хэмээн гуйжээ. Хэрээ түүнд: "Чи амьтаны халуун цус уудаг, харин би үхсэн амьтаны сэгээр хооллодог. Чи намайг дагаж зөв хоолловол 300 жил наслана" гэжээ. Бүргэд урт наслахын тулд хэрээг дагаад нисэж гэнэ. Тэгтэл нэг сэг харагдахад хэрээ дэргэд нь суугаад амтархан тоншиж идэхээр нь бүргэд ч хэрээг дуурайн тоншив. Гэтэл сэг нь хачин муухай амттай байв. Бүргэд хэд хэд тонших гэж үзсэнээ хэрээд хандан: "Чам шиг ийм сэг идэж 300 жил амьдарснаас өөрийн дуртай зүйлээ идээд 33хан насалсан минь дээр" гээд нисээд явчихсан гэдэг.

Би 20-той жаахан охин биш тиймээс амьдралд минь янз бүрийн л зүйл тохиолдож таарч байсан. Гэхдээ одоогоор эдгээр 3 элементыг нэг хүнд хосолж таараагүй л яваа. Хүмүүсийн үгэнд ороод нас нь арай гайгүй байгаа дээр хүнтэй гэрлэх нь зүйтэй юм шиг боловч би нэг л хүнд энэ бүх элементуудыг багтаасан хайраа харамгүй өгмөөр байна. Тэр хүндээ яаран очиж, амьдралын хүнд хэцүү үеийг хуваалцаж, жаргалын нулимс унагах бол хамтдаа л тэр бүх мэдрэмжийг мэдэрмээр байна. Өөрийн хайраа олоод гал халуун сэтгэл, галзуу секс мэдрүүлж түүнтэйгээ л ойлголцож явахыг хүснэ. Та өөрийн хайраа олсон, таны дэргэд чинь байдаг бол тэр жаргалаа үнэлэх хэрэгтэй шүү. Хайр гэдгийг өөртөө хүчээр уяж тогтоох аргагүй, халамжлахгүй бол сэтгэл хөрөөд замхрах хувирах магадлалтай. Өдөр бүр шинэээр харж, шинэ мэдрэмж төрүүлж жаргалаа хуваалцаарай.

Хавар болоод хүн бүр л жаахан ядарч байгаа ийм үед... гэртээ сайхан хөөстэй ус бэлдээд 3 элементын эзэнийгээ усанд оруулж, зад "скраб"-дан биеийг нь угааж, гижигдэн бага зэрэг сахилгагүйтэж, сайхан иллэг хийгээд тайвшруулан унтуулахад 3 элементын эзэн лав баярлах байх. Ингэхийн тулд эхлээд түүнийгээ жаахан "халтартуулахад" илүүдэхгүй биз... Жишээ нь дегустацийн тест хийх... дуртай амттанг нь энд тэнд түрхэж долоох... за тэгээд сайн эзэгтэй бол юугаар дегустаци хийвэл гоё гэдгийг сайн мэдэх биз дээ... Угаасаа одоо хаврын синдром тэртээ тэргүй хөдлөх тун дөхөж байгаа... Охид бүсгүйчүүд маань хувцасаа нимгэлээд богино банзал, хөнгөн даашинз өмсөх үе ойртож байна даа. За, би ч бас татуургатай оймсоо гаргаж өмсөх минь ;) Хаврыг тэсэн ядна хүлээнэм. Хүлээлт гэдэг бас амттай шүү... Хайраа хүлээх нь бас ч сайхан шүү тэ..? 3 элементын эзэн минь хаа яваа юм бол доо

Never, never, never give up

АМЬДРАЛД ЮУ Ч ТОХИОЛДСОН ИТГЭЛ СЭТГЭЛ,
ЭРЧ ХҮЧЭЭ ЯАГААД Ч АЛДАЖ БОЛОХГҮЙ ...