Zazaa

Надад Zazaa буюу Наранцацралтын зурагнууд ихэд таалагддаг. Түүний онцлог шинж нь гэвэл ихэвчлэн дандаа бүсгүйчүүдийг зурдаг. Миний мэдэхийн 5 жилийн өмнөх зурагнууд нь ихэвчлэн монгол бүсгүйчүүдийг илэрхийлж байсан бол сүүлийн үед арай жаахан ондоо өнгө аястай болсон мэт санагддаг. Мэдээж хүн хөгжин өөрчлөгддөг тул аргагүй биз, гэхдээ би хувьдаа таван жилийн өмнөх зурагнуудад нь илүү дуртай. Цацаагийн "4 улирал" гэх зураг нь хамгийн сайхан санагддаг. Бүсгүй хүний дотоод сэтгэлийг бүрэн дүүрэн харуулж чадсан. Угаасаа бүсгүй бүр дотроо дөрвөн ондоо шинж чанарыг агуулдаг нь нууц биш байлгүй дээ. Манай компаний дэд ерөнхийлөгч тэр зургийг худалдаж авсан гэж байсан мөн УБ дахь оффистоо бас 2 зураг авч өгсөн :))) Тэдгээр зурагнууд нь манай жижигхэн оффисийг их чимэж бас арай илүү дулаан уур амьсгалтай болгодог. Ажил ихтэй ядарсан үед Цацаагийн зурагнуудыг харахад сэтгэл сайхан болоод эрч хүчээ нөхөх шиг болдог шүү. Та бүхэн Нарантуул зочид буудлын 12-р давхарт байдаг Le soleil ресторанд очиж Zazaa бүсгүйн өөр шинэ зурагнуудыг үзэж бас худалдан авч болно. Сүүлийн үед жаахан ядраад уран зураг үзээд ч нэмэргүй болж байх шиг байна. Тиймээс хэд хоногоос оргож амрахаас... сураггүй алга болвол нээх битгий гайхаарай ;)

Оргохыг завдсан,
APO

* * *

Я могу быть богиней твоей иль рабой,
Всё зависит от мыслей твоих и желаний,
Я могу быть чужой, но при этом с тобой,
А могу быть твоей через сто расстояний.
Я могу засмеяться, иль плакать навзрыд,
Я могу, разозлившись, быть очень жестокой,
И тебе не сказать, как в душе всё болит,
Как с тобой я бываю такой одинокой.


Никогда не пытайся себя оправдать,
Коль почувствую ложь я тебе не поверю.
Я могу тебе счастье огромное дать,
А могу пред тобою захлопнуть все двери.
Я могу, словно кошка, гулять по ночам,
Целоваться с другими под пьяной луною,
Но, к тебе возвращаясь в рассветных лучах,
Понимать – что навеки останусь с тобою...

Hachiko

Hachi нохойны тухай киног дүүгийндээ очихдоо үзсэн юм. Үнэхээр жирийн бус ховорхон түүхэн дээр үндэслэж хийсэн сэтгэл хөдөлгөмөөр кино байна лээ. Жинхэнэ болзолгүй сэтгэл гэдэг нь эхийн сэтгэлээс гадна өөр хаана ч барагтаа таардаггүй шүү дээ. Гэтэл хамгийн сонирхолтой нь хүмүүс бид бүхэнд ч ховор тохиох тийм агуу сэтгэл нохойнд байдаг нь сонин байгаа биз дээ? Хүмүүс бид өөрсдийгөө бүх амьтадаас илүү дээр хэмээн боддог нь бас л буруу зүйл бололтой. Мэдээж эрүүл ухаанаар бодвол үхсэн хүнийг ирнэ гэж өдөр бүр тосох нь утгагүй мэт боловч хэн нэгэн хүн, ямар нэгэн зүйлд тийм үнэнч тууштай байж болохыг үнэхээрийн сайхан тусгаж гаргасан байна лээ. Эзнээсээ ямар нэгэн хариу нэхээгүй зүгээр л эзнийгээ гэсэн сэтгэл. Гунигтай хирнээ гайхалтай уг киноны талаар элдвийг бичиж та бүхнийг залхаагаад яахав. Миний хувьд бол үе үе үзэх хэрэгтэй кинонуудын нэг ба гэртээ өөрийн гэсэн Hachiko-той болмоор санагдав ;)

世の中は
何にたとへん
山彦の
こたふる聲の
空しきがごと

Our life in this world -
to what shall I compare it?
Its like an echo
resounding through the mountains
and off into the empty sky.


Уярсан,
АРО

Баруун гарны булчингаа хөгжүүлэх нь буюу MOUSE

Бид бүгд техник технологийн хөгжлийн үед амьдарч буй маань нэг бодлын сайхан шүү... Ажлаа үнэхээрийн хөнгөвчлөөд амар. Гэхдээ бид бүхэн үнэхээр Microsoft office хэмээх программуудыг мэддэг үү..? Та өөрөөсөө асууж үзэж байсан уу? Ажилд ороход комьютер дээр ажиллаж чадах уу гэхээр чаднаа гэдэг боловч үнэндээ бол бид бүхэн зүгээр л хар ухаанаар эсвэл өөрийн дадлагаараа л сурсан байдаг болхоос биш яг үнэндээ Microsoft office программуудыг үнэн зөвөөр ашиглаж чаддаг уу?

Манай байгууллагын нэгэн сайхан зүйл бол ажилтануудаа сургалтанд хамрагдахад сайн дэмждэг явдал юм. За, тэгээд манай оффисийн ажилтанууд маань Microsoft office программуудын дунд шатны сургалтанд хамрагдаж эхэллээ. Тэгсэн бид бүхэн чинь keybord шууд ашиглах нь ховор ба бүгд л чухам баруун гарны булчингаа хөгжүүлэн дандаа MOUSE хэрэглэдэг юм байна. Мэдээллийн технологийн инженер болон бусад мэргэжилтнүүд үүнд хамараахгүй болов уу... Бид бүхэн гэдэг нь энгийн газрын хүмүүсийг илэрхийлж байгаа болно. Ялангуя уурхайчин бүсгүй би бол байнга л баруун гарын булчингаа хөгжүүлээд байснаа ухамсарлав.

Ер нь мэдэхэд илүүдэхгүй сонирхолтой зүйл тум бумаараа байна лээ. Гэм нь би хичээлээ хичнээн ч их таслав даа... азаар эхэндээ Word программыг үзэж байлаа. Одоо бол Excel үзэж байгаа. Excel гэдэг бол агуу программ ба дотор нь хүн алаад нуучиж болдог гэсэн нь үнэхээр үнэний ортой үг гэж бодном. Удахгүй Macro, Visual Basic гэх мэт туйЛЫн хэрэгтэй бас сонирхолтой зүйл үзнэ гэж байгаа. Ер нь албан ёсны сургалтанд хамрагдахад бол илүүдэхгүй бас дээр нь үнэхээр компьютер дээр жинхэнэ утгаар ажиллаж сурсан гэрчилгээтэй болно. Миний хувьд бол сургалтандаа шимтэн сууж байгаа шүү ;)))
Ганц гэм нь Microsoft Office 2007 эзэмшихээр сурч байхад Microsoft Office 2010 аль хэдийнээ гарчихсан, гэхдээ суурь нь ижил хэмээн найдаж бас өөрөө хүсвэл ухсаар байгаад дутахгүй сурна гэж бодож байгаа. Учир нь яг зөв сууриа бага ч гэсэн авсан хэмээн найднам.

Та бүхэндээ захихад тиймэрхүү албан ёсны сургалтанд суугаад үзэх хэрэгтэй шүү. Ажлаа хөнгөвчлөхөөс гадна хүүхэддээ нүүр бардам зааж өгөх болно шүү... Ямартаа ч би одоо зөвхөн баруун гар бус зүүн гарын булчингаа ч бас хөгжүүлж байгаа ;)

Office суралцагч,
АРО

Бэлэг

Хэд хоногийн өмнө ажлын охин Оюунка маань төрсөн өдрийн бэлгэндээ юу авах юм гэж асуулаа. Би юун холын юмыг асуудаг юм гэхэд хэдэн өдөр амраад ирэхэд Наадам тэгж байтал төрсөн өдөр чинь гэв. Нээрээ д бодсон чинь өнөөдөр жилийн хамгийн урт өдөр ба богино шөнө харин маргаашнаас нар буцах болчиж. Цаг хугацаа асар хурдтай өнгөрч байна даа... болдог бол өдрийн 25 цаг, долоо хоногийн 8 өдөртэй болох юм сан. Маргаашнаас өдөр богиносож хүйтний улирал удахгүй хаалга тогшоод ирэх нь дээ. Тэгэхээр төрсөн дөөр бол гялс л өнгөрөх нь үнэн юм байнаа.

Хүүхэд байхдаа төрсөн өдрөө хоног тоолоод хүлээдэгсэн. Хаашаа ч юундаа ч яаардаг байсан юм бүү мэд. Аан, тийм саналаа ; ) Хурдхан шиг 16 нас хүрч нэрээ солих гэж яаардаг байсан юм байна. Багадаа ээж аавдаа: “Яахаараа ганц охиндоо хөгшин эрэгтэй хүнийх шиг нэр өгдөг байнаа” гээд үгэлж өгдөг байж билээ. Бүр янз бүрийн нэр бичээд жагсаалт гаргаж санал хурааж ч үзсэн. Яг үнэндээ 16 хүрмэгцээ нэрээ солиод ч яах юм гээд гэнэт бодлоо өөрчилж билээ. Ер нь төрсөн өдөр маань миний хувьд хамгийн дуртай баяр минь. Хүмүүс их сонирхолтой дуртай: баяр чинь юу вэ гэхээр Наадам, Цагаан сар, Шинэ жил гээд л янз янзын юм хэлнэ. Хүмүүс тийм нэрэлхүү байдаг юм уу эсвэл би тийм хувиа хичээсэн хүн юм бол уу? Би лав хувьдаа төрсөн өдөртөө л дуртай.. надаас өөр хэн ч баярлахгүй шүү дээ.

Харин бэлэгний тухайд бол асуудалтай... Хүнээс бэлэг авахаас илүү хүнд бэлэг өгөх нь сайхан санагддаг. Хэн нэгэн хүн ямар бэлэг авмаар байна, юу захимаар байна гэхээр үнэхээр захиж хүсэх юм олддоггүй юм. Эсрэг хүйстэй хүнээс бэлэг авна гэдэг бол бүүр том асуудал шиг санагддаг. Хэн нэгэнд залууд өртэй болчих юм шиг санагддаг тул ер нь л бэлэгнээс зайлсхийж явдаг. Магад энэ эмэгтэй хүний өчүүхэн муу санаа байх. Гэвч энэ тал дээр хэд хэдэн найз бүсгүйчүүд маань санал нийлдэг тул би ганцаараа муу санаатай эмэгтэй биш юм шиг байна лээ.

Харин нэгэн удаа миний дотоод ертөнцийг бүхлээр нь нээж мэдэрч чадсан хамгийн үнэтэй бэлэг авсан. Тэр бэлгийг би ихэд нандигнаж хадгалдаг ба бэлгээ харах бүрт өөрийн эрхгүй инээмсэглэл тодорч сэтгэл маань өег болдог. Хэн нэгэн хүн миний дотоод байдлыг тэгж мэдэрч чадна гэж огт бодоогүй. Зарим хүмүүс юу гэдгийг мэдээд намайг шоолох байх, гэхдээ л ...Тэр нэгэн зүйл ямар холоос, хичнээн удаан, хэрхэн тээвэрлэгдэж ирсэнийг мэдвэл түүний үнэ цэнийг ойлгож магад... Өдөр тутамд харж, ярилцаж бас тоглож болохуйц тийм зүйл юм. Түүнийг үе үе оролдоод үрэхэд зөөлхөн, авсаархан бас цаанаа л дотно тул сэтгэлийг маань ямагт дулаацуулдаг ;) Ингээд бодохоор бэлэг гэдэг агуу хүчтэй шүү тэ?

Бэлэг нь тухайн хүний сэтгэлийг хөндөх тийм л зүйл байвал хамгаас сайхан гэж би боддог. Тэгээд ч хэн нэгэнд хүнд бэлэг өгөхөд тэр хүний нүд нь хэрхэн гэрэлтэж, инээмсэглэл тодрохыг нь харах хамгаас гоё санагддаг. Хэн нэгэнд бэлэг өгөхөд түүний баяр баясалтай, дотно тэр л харцыг харахад хүнд бэлэг өгсөн бус харин өөрөө шагнал авах шиг болдог. За, тэгээд хальт тоглоом шоглоом оруулж сонирхолтой болгохгүй бол онцгүй санагддаг тул өөрийнхөө толгойг гашилгаж элдэв юм бодож олтлоо нэг хэсэгтээ манан будан дунд л дүүлнэ шүү дээ. Даана ч ойрын үед манан буданд дүүлэх цаг ч алга... нээх л их ажил гэсэн хүн байна даа... Манан буданд нэг дүүлэх юм сан...

Манан буданг хүссэн,
АРО

I have a dream буюу халуун усыг санагалзан мөрөөдөх нь

Ойрын хэдэн өдрүүдэд МИАТ-ын ажил хаялтаас болоод ажил арай дэндүү ачаалалтай байлаа. Энэ жил дэлхийн авиа компаниуд их сонин байгаа. Гэнэт огцом хуваариа өөрчлөөд дээр нь Чингис Хаан онгоцны буудал засварт ороод л... бүгд давхцаад 4 болон 5 сарыг арай хийж л ардаа гаргалаа. Ядаж байхад яг энэ үеэр төв оффисоос 2 менежер ирсэн. Ер нь манай төв оффисоос дарга нар ирэхээр бас нэгэн төрлийн ядаргаа. Ажлаа арай ядан амжуулж байхад бас тэднийг зугаацуулах соёлын хөтөлбөр зохиох болдог. Уг нь туршлагатай мундаг хүмүүс л дээ. Зөвхөн манай компанид ажилласан нийт хугацаа нь гэсэн чинь одоогийн байдлаар миний насалж буй 31 дэхь жил дээр 5 жил нэмээд 36 жил ажилласан байх жишээтэй. Ажил гэж бужигнасаар байтал нэг мэдсэн халуун ус маань алга болжээ. Зарлал энэ тэр харах сөхөөгүй байсан ба ер нь тэр тухай зарыг тавьсан эсэх нь эргэлзээтэй л дээ. Ямартаа ч нэгэн өглөө сэрээд угаалгын өрөөндөө ороход хүйтэн ус намайг тосон угтлаа.

Ядаж байхад би шүршүүрт орох туйлын дургүй... чухам л сайхан тухалж хэвтэж ном уншингаа усанд орох муу зуршилтай. Уг нь ч үүнийгээ муу зуршил гэж бодож байгаагүй боловч халуун ус тасрах үед бол яалт ч үгүй муу зуршил хэмээн бодогдов. Усанд хэвтмээр санагдаад байдаг, гэтэл хүйтэн усанд хэвтвэл хөлний минь хэдэн хуруунууд тасраад уначих биз. Эмэгтэй хүний хувьд педикюр хийлгэлгүй энэ насыг барна гэвэл эмгэнэл биз дээ айн... Хүйтэн шүршүүрт ороход л зовиуртай байгаа юм чинь... Хүйтэн шүршүүрт байнга орвол турж бэлхүүс нарийсах нь сайхан ч шүршүүрнээс үсэрч гармагцаа биенийхээ хэсгүүдийг бүрэн бүтэн эсэхийг шалгахгүй бол аль нэг хэсэг нь хөлдөөд тасраад унасан байх магадлал өндөртэй. Ер нь манайхан яагаад л жилээс жилд зун болмогц хэдэн нүх ухаад трубануудаа нухаад байдаг юм бол?! Үнэндээ яг юу хийдэг юм бүү мэд. Эрүүл ухаанаар тунгааваас нэг л засчихвал жил бүр тэгж ухах шаардлага баймааргүй юм.

Хөөрхий муу нийслэл хотоо харахаар сэтгэл өвдөх юм. Энд тэндгүй нүх ухаастай, зуун задгай, зам нь засвартай тул хаагдаастай... Арга ч үгүй биз дээ анхнаасаа хамгийн ихдээ л 300,000 хүн амьдрахаар тооцологдож баригдаж байсан гэсэн. Их нүүдлийн үр дагавараа гэж =( Гэхдээ л засварын ажлыг төлөвлөлтийн дагуу чанарын өндөр түвшинд хийж болмоор л юм. За тэгээд эцэст нь аливаа зүйл сайн ба муу талтай тул үргэлж муухайг нь хараад яахав. Халуун ус тасарсаны ачаар ганц бие бүсгүйчүүдэд болон залуучуудад бас нэгэн боломж нээгдэж байна. Халуун усанд орох тусламж авах нэрийдлээр өөртөө таалагддаг хүнийхээ гэрт очих бололцоо бүрдэв. Тиймээс нэг сумаар хоёр туулай буудаад байж дээ. Усандаа ч ороод бас сонирхол татам хүнийхээ дэргэд байгаад... Ер нь халуун ус таслахын төлөө ЗА гэж хэлцгээе!!!

Халуун усыг мөрөөдсөн,
АРО


P.S: Martin Luther King-ийн агуу үгийг иш татаж газрын бичигхэн асуудлыг хөндөж буйг та бүхэн уучилна бизээ... Энэ дашрамд Халуун усны тусламжийн аянг зарлаагүй байхад сайн дурын үндсэн дээр сайхан сэтгэл гаргаж халуун дулаанаар гэрт нь очиж усанд орох урилга өгсөн найз нөхөддөө баярлалаа =) Даана ч найз нь айлд усанд үнэхээр орж чаддаггүй тул тэвчээд, итгээд, хүлээхээс өөр сонголт үлдэхгүй нь.

Маленькая девочка маленькому мальчику задаёт вопрос

Багадаа энэ дууг сонсож байсан маань санаанд оров. Ойрын өдрүүдэд сайхан бороотой байх тул шүхрээ бүү мартаарай ;)))

«А ты меня любишь? Ага!»

На улице дождик,
На улице слякоть,
А им всё равно.
Идут они вместе,
Один у них зонтик,
Идут из кино.

Маленькая девочка
Маленькому мальчику
Задаёт вопрос,
Что такое небо,
Что такое солнышко,
Что такое любовь.

А ты меня любишь? - Ага.
А ты со мной будешь? - Ага.
Так будем мы вместе,
Так будем мы рядом
С тобою всегда!

А что скажет мама,
А что скажет папа,
Когда будем вместе гулять?
Они ведь и так никуда не пускают,
С тобой не пускают играть.

А ты меня любишь? - Ага.
А ты со мной будешь? - Ага.
Так будем мы вместе,
Так будем мы рядом
С тобою всегда!

Давай пока никому...
Не будем говорить,
Пока не наступит такая минута,
Когда можно будет любить.

А ты меня любишь? - Ага.
А ты со мной будешь? - Ага.
Так будем мы вместе,
Так будем мы рядом
С тобою всегда!

А ты меня любишь? - Ага.
А ты со мной будешь? - Ага.
Так будем мы вместе,
Так будем мы рядом
С тобою всегда!

Так будем мы вместе,
Так будем мы рядом
С тобою всегда!

Давным-давно...

Өмч хувьчлалын тамгыг эсэргүйцэх нь

Хэдэн долоо хоногийн өмнө ажлаа хийж байхад нэгэн шинэ ID add request хийж орж ирэв. Нээх их зүйл бодолгүй нэмтэл ажлын хүн бол лав биш байнаа. Тэгээд гайхтал нэгэн танил залуугийн найз нь өдөр эмнэлэгийн үүдэнд таарсан гэлээ. Өглөө нь Сонгдо орж баахан шинжилгээ өгсөн нь үнэн байсан л даа. Танилын найз гэхээр нь элдэв юм хэлж чадсангүй. Тэгээд хааяа ойр зуурхан юм бичиж байлаа. Гэтэл өнөөдөр чухам сонин яриа үүслээ. Гэнэт зөгийнд хатгуулсан аятай хажууд чинь хэвтье, халуун дотноор тэвэрье, бие биедээ таарах эсэхийг шинжье гэхээр нь би тэгж шинжилгээний объект болмооргүй байна, ондоо хүнийг шинжилсэн нь дээр бизээ гэж хальт тоглоом болгож хэлэхэд... Эмэгтэйчүүд та нар яагаад заавал дүрэм журам барьдаг юм, хааяа ч гэсэн дүрмээр бус эсрэгээр хийж үзвэл гоё гэв. Би тэгээд бүх эмэгтэйчүүдийн төлөөлөгч болж буйгаа мэдрээд дүрэм журмандаа бишээ эмэгтэй хүний насны онцлог байх, эмэгтэй хүн дүрэм журам гэхээсээ илүү наснаасаа хамаарч сонирхол нь өөрчлөгддөг, жишээ нь миний хувьд одоогоор шинэ байшингийн суурь цутгаж дотно харьцаа үүсгэх сонирхол алга гэлээ. Гэтэл бүүр буруугаар ойлгож чамтай хэн гэрлэх гэсэн юм гээд. Тэгэхээр нь би шинэ харьцаа үүсгэхийг л байшингийн суурь цутгах гэж хэлдэг ба энэ нь гэрлэлтийн талаар өчүүхэн ч утга агуулаагүй гэдгийг тайлбарлалаа. Мөн би одоогоор бол гэрлэх битгий хэл хүнтэй элдэв дотно харьцаа ч үүсгэх сонирхол алга гэдгээ илэрхийлтэл эргүүлээд намайг одоо л гэрлэхгүй бол 35 гарахаараа харамсана даа, эргэж олдохгүй гэлээ. Насны эцэст аяга цай хувааж уух ханьтай байхгүй бол гээд л бичиж өглөө дөө. Үнэндээ манай ээж ч ингэж загнаж үгэлдэггүй билээ... энэ үед дотроо ээждээ хичнээн их баярлав даа.

Сүүлдээ нөгөө залууд гэнэт уур хүрч эсэргүйцэл илэрхийлэв. Өөрөө ч юу хүсэж буйгаа мэдэхгүй байж элдэв юм бичиж намайг шүүж болмооргүй юм. Тэгээд яахав эелдэг зангийн илрэл гаргаж урт үстэй богино ухаантай эмэгтэй хүн намайг уучлаарай, дахиж өөрийн бодол санаагаа ийнхүү хуваалцахгүй ээ гэлээ. Харин залуучууд маань өөрсдөө ер нь бүсгүй хүнээс юу хүсээд байгаагаа мэддэг юм бол уу..? Зүгээр л ганц шөнийн жаргал, түрхэн зуурын холбоо, амьдралын хань эсвэл адал явдал уу..? Залуучууд маань тухайн бүсгүйгээс юу хүсэж, юу хийхээ мэдэж, ирээдүйг урьдчилаад дүгнэхгүй ч ядаж анх болзоонд урих зориг гаргасан шигээ баяртай гэж хэлж чаддаг байгаасай гэж бодогдох юм. Өөрийн төлөөлөлөөр бүсгүй хүний нэгэн нууцыг задлаваас...

Бүсгүйчүүд бид чухам анхны болзоонд хоол идэж, 2 дахь болзоонд цэцэг авч, 3 дахь болзоонд кино үзэж тэгээд сарын дараа дотносож дараагаар эцэг эхтэй нь танилцаж гэрлэх гэх дүрэм барьж явдаг роботууд биш шүү дээ. Ер нь эмэгтэй хүний хувьд гэрлэхээсээ илүү хэзээд дур булаам, сэтгэл татам бас халуухан гэдгээ мэдэрч, энгийн сайхан харьцаатай тайван амгалан байх нь хамгаас илүү чухал шүү дээ. Элдэв хэв маяг бус энгүүн дулаан сэтгэл, халамжийг хүсэмжилдэг. Эргээд бодоход сайхан инээмсэглэл төрж зарим үед нь уйлж, гуниглах ч бас сайхан шүү дээ. Тэрнээс биш ИБМУТ-д очиж батлуулснаар тухайн эр хүн өмч хувьчлалын нэгэн хэлбэрт хамрагдах бол ер сонирхолгүй бас сэтгэлд хүрэх зүйл бишээ. /ИБМУТ-д гэрлэлтийг баталдаг эсэхийг сайн мэдэхгүй шүү. Буруу бичсэн бол хүлцэл өчье/ Гэрлэлтээ мянгантаа батлуулчихаад байхад нөхөр нь гадуур гүйгээд эхнэрээ хайхрахгүй бол жаргах бус харин зовох асуудал биз дээ.

Би хувьдаа хүзүүн дээр шимэхийг өмч хувьчлалын тамганы нэгэн хэлбэр гэж боддог. Шууд бус утгаар бусдад сануулга өгч буй үйлдэл kkk За, тэгээд эр эм гэлтгүй ямар ч хүн тэгж өмч хувьчлалд орох, ямар нэгэн байшингийн суурь цутгах хүсэл сонирхолгүй байж болно шүү дээ тэ..?

Залуучууд та бүхэн бүсгүй хүний бодол болон зарим нэг нэр томъёог бага зэрэг ч гэсэн ойлгож авсан байгаасай. Мөн бүсгүйчүүдээс юу хүсдэгээ тунгааж, өөрийн бодлоо хуваалцвал баярлах болно шүү.

Халууцсан,
АРО

Долька буюу нөгөө зугаатай можо маань ;)))