Happpy Birthday, Oeko!!!

Хайрт найз Оюундэлгэртээ, төрсөн өдрийн мэнд хүргээд нэгэн бичлэг толилуулъя... Чамайг ч бас яг нэг иймэрхүү зүйл хүлээж байгаа шүү ккк



Best wishes,
APO

Захиа...

Love is...

Loving you is easy 'cause you're beautifull,
And making love with you is all I wanna do...
Loving you is more then just a dream come true,
And everything that I do, is out of loving you...

Нэгэн сайхан аялгуутай намуухан дуу байдаг даа... Хүүхэд байхад Love is ... гэж бохийг тун ч их авч зажилдаг байсан. Ер нь хайр гэж яг юуг хэлдэг юм бол..? Хайр хэзээнээс хэрхэн эхэлж хаа хүрдэг юм болоо? Анхны хайр гэх атлаа 2 дугаар, 3 дугаар гээд дугаарладаг юм бол уу? Хүмүүс хайртай дуртай гээд бие биенээ хүсэж тэмүүлдэг атлаа яг хамтдаа байгаад амьдраад эхлэхийн цагт тэр хүсэл тэмүүлэлээ хэвээр хадгалж чаддаг бол уу?

Нэгэн найз маань гэр бүлтэй хангалуун сайхан амьдралтай хирнээ санаандгүй яриан дундаа сонин зүйл хэлж билээ... Гэр бүлийнхээ хүнтэйгээ унтахдаа нуруугаа харуулаад 2 өөр тийш хараад унтдаг гэхэд миний бие туйлын гайхсан бөлгөө. Дэргэд нь байгаа хирнээ сэтгэлд хоосон орон зай үүсэж нэг нэгнээсээ холдох шалтгаан нь юу байдаг юм болдоо? Манай ажлын хэдэн гадаад хосууд байдаг... Үнэндээ бол 60 гарсан хосууд хирнээ яг л залуу хос шиг нэг нэгэн рүүгээ тэмүүлж үргэлж дотно байдаг сайхан авууштай талтай. 60 гарсан өвөөгөө хамгийн халуухан,сайхан залуу гэж ярих нь юутай өхөөрдөм гээч...

Бодоод байхад бид бүхэнд хэд хэдэн дутагдалтай талууд байдаг юм шиг байнаа. Эхлээд бүсгүйчүүдээс эхлэе... Залуугаа байгаагаар нь хайрлах байтал эхлээд дэндүү гоё ханхүү мэт хараад дараа нь газардаад ирэхээр нөгөө хайртай гэсэн залуугаа бусдад муулах дутагдалтай тал байдаг. Гэтэл Японд бүсгүй хүн эр нөхрөө хэрхэн халамжлах тухай охидууддаа багаас нь заадаг гэсэн. Бор гэртээ Богд, хар гэртээ хаан байх бүхий л нөхцлийг бодож бусдаар хэлүүлэлтгүй хайр халамжийг өгвөөс эр нөхөр тань цаг ямагт гэр лүүгээ тэмүүлж гэргийгээ хайрлаж халамжлахыг хүснэ гэж бодогдном.

Залуусын маань хувьд бүсгүй хүнийг дэргэдээ л байлгаж байгаа бол болоо гэх өнгөц бодлоос бүсгүйчүүдээ алдах нь элбэг байдаг шиг санагдав. Цаг хугацаа улиран одоход хайртыгаа дулаацуулж баярлуулж чадалгүй, бөөрөнд наалдах бүсгүй хүнийг хайхрахаа болих тэр л үед сэтгэл хөрж, хоосон орон зай үүсдэгийг мэддэггүй. Залуус минь, ямагт дайчин байж хайртай бүсгүйнхээ амьдралд тохиох хамгийн сайхан бэлэг нь байгаарай!

Амьдрал чинь ямар байх нь зөвхөн Танаас шалтгаалдаг шиг Таны хайр хаа хүрэх нь хос хоёрын хүсэл тэмүүлэлээр хэмжигдэх байх даа... Анхны, 2 дугаар, 3 дугаар ... 999 дүгээр хайр гэж байдаггүй. Харин анхных шигээ сэтгэл, хүсэл, мэдрэмжийг хадгалж хөгжүүлж чадсанаар Таны хайр үргэлжилсээр байх билээ. Зөвхөн Тантай хамт Love is хэмээх бохийг зажилах хүсэлтэй хүн хаа нэгэн газарт байгаа шүү ;))) Түүнийгээ олохын цагтаа хамтдаа сайн хичээгээрэй :)

La La La La La ...La La La La,
APO

Орчин цагийн яруу найраг

Хамтран амьдрагч залуу маань яруу найраг сонирхдог болж... Саяхан машинд хамт явж байсанаа дараахи шүлгийг уншиж сонирхуулав:
"...Таван давхарын балкон дээр
Таван настай охин байлаа
Танилцах гээд очсон чинь
Таван шүдтэй эмгэн байлаа..."

Аугаа их Шекспир монгол хэлийг ойлгож мэддэг байсан бол бүх биеийх нь үс нь өрвийх байлаа... Гэхдээ л 10 настай хүүгээ ийнхүү яруу найраг сонирхож эхэлж буйд миний бие баярлаад өнгөрөхөөс өөр яалтай билээ дээ. Орчин цагийн яруу найрагаа гэж...

Хальт цочирдон уярсан,
APO

Happy birthday, MNK!!!

Cheers,
APO

Isn't it a wonder..?

No woman, no cry

No woman, no cry гэж нэртэй Bob Marley-ийн нэгэн сайхан дуу байдаг даа... Дээрхи нэрнээс огт эсрэг нэгэн сэдвийг хөндөх гэсэн юм. Өнөө цагт зарим залуучууд бүсгүйчүүдтэй тун ижил болохыг хараад уйлах ч биш инээх ч биш сонин санагдах болжээ. Та бүхний хувьд ямар санагддагийн мэдэхгүй ч надад нэгэн өдөр тун марзан зүйлүүд таарсан. Гэрч нь найз Түмээшка болой...

Марзагнал 1. Баруун 4 замд такси барих гээд зогсож байхад нэгэн машин дүрэм зөрчин огцом хаазлаад эргэх үйлдэл хийв. Машины цонх нь нээлттэй байсан тул дотор сууж буй 4 залуу ил тод харагдаж байлаа. Тэдгээр 4 залуу яг ижилхэн цагаан хослол буюу костюмнууд өмсөөд бүгд хар цамц, цагаан зангиатай байв. Хэдийгээр туйлын инээдтэй харагдаж байсан ч хуримын гэрч нар байх хэмээн бодов. Гэхдээ уг нь хуримын гэрч нарт ижил хувцас өмсгөх моод 80-аад оны үед л байсан санагдах юм.

Солиорол 2. Яг тэр өдөртөө Сансарын туннел дээр явж байхад бас өөр нэгэн 3 залуутай таарав. Нуруулаг, биерхүү 3 залуу хувцаслалтаа тун дэгжин тохируулсан хирнээ 3лаа ягаан зайрмаг долоогоод явж байлаа. Эмэгтэй хүн тасарсан байхад тун муухай гэдэгтэй хэн хүнгүй санал нийлдэг. Гэтэл 3 том залуу ягаан зайрмаг долоох нь бас яг нэг тиймэрхүү эвгүй харагдаж сонин сэтгэгдэл төрүүлдэг юм байна лээ.

Эцэст нь... Тэр өдрийнхөө орой Сансарын дэлгүүр орчихоод гэр лүүгээ туннел уруудан алхаж байтал өөдөөс нэгэн бүсгүй залууг үүрчихсэн яваа таарав. 2-3хан метр газар бус бараг 50 метр газар үүрээд өнгөрөв. Бодвол санасандаа бариад үүрүүлсэн юм байх гэх таамаглал дэвшүүлэв. Гэхдээ бүсгүй хүнд тийм ахадсан даалгавар өгөх шаардлага үнэхээр байгаа гэж үү? Бүсгүй хүнд энхрий, ялдам байх боломжийг нь үлдээж байгаасай

Гэртээ жаал эргэцүйлэн бодлоо л доо. Сүүлийн үед залуус үсээ ургуулан, бариу өмд өмсөж, маникюр хийлгэж хөмсөгөө засуулах нь энгийн зүйл болжээ. Одоо цагт энэ нь ойлгож хүлээн зөвшөөрөх зүйлсийн нэг боловч эрчүүдийг эмэгтэйлэг зан байдалтай болохыг хүлээн зөвшөөрч чадахгүй нь. Найз нөхөд нь зочилж ирэх гэж байхад эмэгтэй хүн мэдээж хоол ундаа бэлдэх нь зүй ёсных гэхдээ эр хүн нь толины өмнө эргэлдэж үсээ гельдээд зогсох арай бишээ. Нэгэн найзад маань яг тохиолдсон зүйл шүү.

Солонгос киноны залуус шиг уйланхай нөхөртэй болчихвол бүсгүйчүүд бид яах юм бэ? Эмэгтэй хүн цагаан зээр хоёр нутаггүй гэдэг үгийг сана л даа. Бид хэдий бардам ихэмсэг байдаг ч гэлээ эр хүний эрхэнд л амьдрах учиртай. Эр хүний эрхэнд амьдрана гэдэг үгийг тун зөвөөр ойлгоосой гэж хүсэж байна. Эр хүн та ямагт бүсгүй хүнээс илүү холыг харах ноён нуруутай байхад бүсгүй хүн таныг л дагаж таны дэргэд амьдрана шүү дээ.

Өврийн сайхан Өвөрхангай

Өвөрхангай орох замд элсэн тасархайд тасарсан нь ... kkk



Улаан цутгалан гэж...


Нэг ууртай нөхөртэй таарсан шүү...


Модон хун бас байна лээ



Амраад ирсэн,

АРО

Шилдэг бүтээл

Ажил ихтэй гэх шалтгаанаар ойрд сэдэв нэмэх сөхөөгүй гэж урьд нь хэлж байсан ч сүүлийн хэдэн өдрүүдэд яагаад блогтоо сэдэв нэмэхгүй байнаа гэж нилээд хэдэн хүний байцаалтанд орлоо. Одоо цагт бүгд л завгүй байхад би илүү онцгойрч завгүйтэхээр зүйл хийсэн билүү гэж өөрөөсөө асууж үзлээ. Тэгээд бодоод байсан чинь ажлаас өөр гайхуулж бахархах онц гойд хийж бүтээсэн зүйлгүй гэдгээ ойлгов. Зарим нөхдүүд хүн амьдралдаа байшин барьж, мод тарьж бас хүүхэд гаргах ёстой хэмээх үзлийг тун дэмждэг. Гэтэл миний хувьд 30 гаруй жил наслахдаа өөрийн гар болон биеэр хийж бүтээсэн зүйл юу билээ..?

Байшин барих битгий хэл хадаас ч зөв хадаж чадахгүй ч саяханаас өрх тусгаарлах анхан шатны алхамыг хийв... Анхан шатны алхам бол майхан юм. Ямартаа ч одоо тусдаа гараад хэд хоног төөрүүлж болох нэг майхан, 2 мешок болон аяны 2 сандалтай болсон. Гэхдээ хэдийгээр майханаа барихдаа өөрийн гар бие оролцох боловч яг миний биеийн бүтээсэн зүйл бас биш юмаа.

Мод тарих... Миний бодлоор өөрийн гараар тарьсан модоо арчилж асарч чадахгүй бол энд тэнд тариад дэмий гэж үздэг тул өөрийн гэсэн алга дарам газартай болж байж л хийх зүйл гэж бодмой. Улсаас үнэгүй олгох газрыг хэдийдээ ч авах юм байгаа нь бүү мэд. Болно доо болноо гэсээр байтал энэ янзаараа бол авах газаргүй үлдэх магадлалтай. Засгийн газар маань хамаг газраа түрээслээд дуусгавал түрээсийг нь дуустал хүлээх нас надад бий юм бол уу даа. Гэрээ засаад төрөө зас гэж үгийг биелүүлэх нь цаг хэзээ ирэх юм бүү мэд... Тэгээд ч төрийн төлөө огтоно боож үхнэ гэгчээр би төрд зүтгэхгүй нь лавтай. Төр гэснээс саяхан нэг найзтайгаа уулзсан чинь их сонин зүйл харлаа...

Бид нарын үеийн хэдэн залуус нилээд нэгэн шинэ CLUB байгуулжээ. Бүгд лам захтай дээл өмсөөд Бурхан Халдун ууланд зургаа авахуулж их чухал царайлан итгэл үнэмшилтэй дүртэй гарсан байв. Гэтэл миний нүдэнд тэд хичнээн ой гутмаар харагдаваа... Хайран сайхан залуу нас... өрөвдмөөр ч юм шиг. Хар залуугаасаа гүзээ унжуулаад хурган даргын царай гаргаад хальт ярвайлттай сууж байгааг нь нэг харахад л хангалттай. Тийм царайтай нөхдийн яриаг ч сонсох хэрэггүй. Ам нээвэл чих маань үрчийгээд хумигдах биз. Уг нь их хурлын дарга нарын фэнууд шиг балайрч байхын оронд ядаж ганц удаа гартаа хүрз бариад нэг ширхэг мод тариад, арчлаад, ургуулаад үзээсэй дээ. Миний найз намайгаа уучилна бизээ. Намайг тиймэрхүү хоосон хэлбэр нөхдүүдэд угаасаа харшилтайг чи минь мэднэ дээ.

Миний хувьд би улс эх орондоо бүтээж гайхуулсан зүйл байхгүй ч сайтар бодоход өөрийн хувьд нэгэн бүтээлээ хийсэн бөлгөө. Тэр бүтээл маань дахин давтагдашгүй цорын ганц бас муу ч үгүй "патентын эрхтэй" буюу хуулийн дагуу миний бие хийж бүтээсэнийг нотолж буй гэрчилгээтэй. Одоогийн байдлаар би бүхий л хөрөнгө оруулалтаа уг бүтээлдээ оруулж байгаа бөгөөд энэхүү бүтээлийнхээ л ачаар баярын нулимсны амтыг мэдэрч өдөр бүр сэтгэл тэнэгэр бас баяр баяслаар дүүрэн амьдардаг. Миний шилдэг бүтээл - ЧИНТҮШИГ болой... Харин таны хувьд одоогийн байдлаар туурьвисан шилдэг бүтээл тань юу вэ?

Бас л завгүй,
APO

Taxi 3

Өдөр тутмын хэрэглээ гэгдэх таксины тухай бодож үзээд одоогийн байдлаар Монголд маань таксичид буюу таксины жолооч нар 3 төрлийх байдаг гэж дүгнэв:

1. УЛААН таксичид. Юуны өмнө зорчигчийг авахыг л чухалчилахаас бус хүний амь хариуцаж буйгаа ойлгодоггүй огцом дүрэм зөрчиж, хурд хэтрүүлэн давхиж, хүн дайрах шахам яаран давхих таксичид. Нөгөө талаас бас арай өөр төрлөөр улайрдаг нөхдүүд бий. Өөрийн байнга явдаг замаа тун сайн мэдээд байхад л улаан цайм үнээ нэмж нэхэх этгээдүүдийг бас улаан таксичид гэхээс өөр яалтай билээ. Эцэст нь эхний зорчигчоо буулгаагүй байж дараагийн хүн харагдмагц хаа хүрэх үү хэмээн шунаж давхар авах гэж улайрсан таксичид орно.

2. ХААГИЙ таксичид. Хааяа нэг халтуур хийдэг хэт шунахгүй, үзэмжээрээ зорчигчоо аваад хүргээд өгдөг эдгээр нөхөд бол тун боломжийн шүү.

3. ЯАГИЙ таксичид. Хээнцэр сайхан тэрэг унасан хэнэггүй тэнэг зарим нэг залуус байнаа. Гудамжинд өглөө, өдөр, орой ч байсан ялгаагүй аятайхан харагдсан бүсгүйд сээтэн хаяж дөхүүлээд өгье гэх сэжиг бүхий этгээдүүд. Pick up, Hammer, BMW-тай таксичид бас байдаг болсон ч эдгээр нөхдүүд итгэл төрүүлэхүйц санагдахгүй нь лавтай.

Өөр төрлийн таксичид одоогоор таараагүй тул мэдэхгүй байна. Ямартаа ч хаа хүрэхийн гэдэг асуултанд товч бөгөөд тодорхой хариулт нь "Хадмындаа". Уг хариулт нь бүх төрлийн таксичдад яг тохирно.

Хүндэтгэсэн,
APO

WE DID IT ;)))

Top evidence of 2255 m



Tsetsee gun 2010



Tsetsee gun 2011



Cheers,
APO

Бүртгэлийн хаалт

ЦЭЦЭЭ ГҮН - 2011 АЯЛАГЧДЫН ЖАГСААЛТ
1.Б.Намсрайжав, эм, уурхайчин, 32 нас
2.Т.Түмэнжаргал, эм, нябо, 28 нас
3.Г.Төмөрөө, эр, нябо, 33 нас
4.Б.Одбаяр, эм, өрөмчин, 32 нас
5.С.Долгормаа, эм, боссчин, 32 нас
6.Б.Ариунболд, эр, САИнженер, 30 нас
7.Б.Бүрэнзаяа, менежер, эм, 28 нас
8.H.Сэргэлэн, эм, машинист, 29 нас
9.Jacqueline, эм, англи хэлний багш, 30+
10.Э.Энх-Амар, эр, боссчин, 28 нас
11.Э.Амарсанаа, эр, оффис менежер, 30 нас
12.Д. Монголхүү, эр, халбага шидэгч, 28 нас
13. Б.Баттулга, эр, нялх программист, 30+
14. UEDA, эр, JICA мэргэжилтэн, 50+, гэхдээ сэтгэлээрээ бол дөнгөж 20той
15. А.Оюунтуяа, эм, орчуулагч, 29 нас
16. М. Цолмонтуяа, эм, орчуулагч, 29 нас

"За нөхдөө бүртгэл дууссан. Нийт 22 хүн бүртгэгдлээ.
14-ний өглөө 6:30-д Чингэлтэй дүүргийн тамгын газрын үүдэнд цугларна. Ганзо-ийн хэлдэгээр (_!_). Уул руу гарах зөвшөөрлийг өнөөдөр үдээс хойш зохицуулна, бүтэхгүй бол бүгдээрээ хулгайгаар гарч таарах байх. Хулгайгаар гарвал маршрут өөрчлөгдөж магадгүй. Төр хурхаас гарч магадгүй гэж тооцоолоорой. Тэгвэл биед арай амар, машинд бага зэрэг бензин нэмэгдэнэ.
Унаа тэргийг доорхи байдлаар зохицууллаа.
1. Ууганбаяр. Nissan XTrail – 3 хүн
2. Сэргэлэн. Opel Monterey – 3 хүн
3. Г.Төмөрөө. Toyota Mark II – 4 хүн
4. Б.Бүрэнзаяа. Toyota Spacio – 4 хүн
5. Б.Одбаяр. Mitsubishi IO Pajero – 4 хүн
6. Э.Амарсанаа. Honda Civic – 4 хүн

Нийт - 22 хүмүүн. Жадамбаа нэмэгдэх бол эхний 2 машины аль нэгэнд шингэчихнэ.
Цаг агаар боломжийн сайхан байх төлөвтэй. Хувийн бэлтгэлийг өөрсдөө сайтар хангаарай. Үүнд:
- Хөнгөн бөгөөд дулаан хувцас. Уулаараа цастай сэрүүхэн байна байх, цас бүрэн хайлахгүй, хайлсан ч нилээд чийглэг байх тул хувцасаа өөрсдөө зохицуулна биз.
- Хүн тус бүр 2-3 литр ус авах шаардлагатай /заавал/.
- Тушёнка 1-2 ширхэг /монгол махимпексийн жигнэсэн мах зүгээр/, бусад хүнсний зүйл /гэрийн хуушуур, закуска, бутерброд, чанасан мах, хуурай идэх юм, зам зуур хүлхээд явж байхад хатуу чихэр, гаа г.м./
Уул руу гарах зөвшөөрөл болон бусад нэмэлт мэдээллийг цаг тухайд нь блогийн дээр нийтэлье. Жич: GPS болон луужинг Сэк хариуцна.
Зохион байгуулагч Ууганбаяр.

Харшилтай нөхөд байвал өөртөө таардаг, хэрэглэж заншсан эмээ авна уу. Хоол хүнсний хувьд ерөнхийдөө жигнэсэн мах зүгээр байдаг учир нь шууд төмөр савтай нь халаагаад идчихэж болдог. Жигнэсэн махтайгаа хольж идэх агшаасан будаа авч явахад тохирожтой. Түүнчлэн хиам авах бол давхар утлагатай хиам нь зүгээр шүү. Өөрийгөө болон бусдыгаа санаандгүй хорлохгүй нь үүднээс. Чанасан өндөг тун зүгээр санагдсан. Бутерброд болон сэндвич бас боломжийн. Шилтэй салат болон дарсан өргөст хэмх байж болно. За тэгээд өөр юу идэхийг хүснэ тэрийгээ аваад явна бизээ. Шүтлэгтэй ба шүтлэггүй янз бүрийн нөхөд байх тул оргил дээр гараад мөргөх, сэржим өргөх зүйлсээ өөрсдөө авч явах эсээ шийдэх бизээ. Хамгийн гол анхаарах зүйл бол гутал. Зузаан ултай, шагайг хамгаалахуйц гутал тохиромжтой. Явахдаа тун анхаарал болгоомжтой байж бэртэх, хөлөө эвгүй гишгэх г.м. сэргийлж тавтай аялна уу.

Аялалд хамрагдаж идэвхитэй оролцох гэж буй бүх нөхөддөө баярламой :)))
APO

Right there

Нэг ийм дажгүй дуу байгаа юм, гэхдээ үгийг нь монгол хэл рүү орчуулахаар үнэн марзан болох гээд... ЯГ НААНАА, ЯГ НААНАА хэмээх дууг толилуулья



APO

Цэцээ гүн - 2011

Зарлалын чанартай зүйл нийтэлж баймой ... Түрүү жил мэдэгдэлгүй гарсан нтр гэх гомдол гарсан учир явган аялалаар явах сонирхолтой хүмүүс дараахи линкээр орж сонирхож мэдээллээ оруулж болно:

http://ganzo79.blogspot.com/2011/04/2011.html

Энэхүү дашрамд "Цэцээ гүн-" аялалыг зохион байгуулладаг нөхөддөө талархалаа илэрхийлье ;)))

Аялалыг хүлээсэн,
APO

P.S: Түрүү жилийн мэдээллээс сонирхуулахад

1. М.Энхбат, эр, 40, уул уурхайн инженер (багийн ахлагч).
2. П.Ганзориг, эр, 31, программ зохиогч.
3. Б.Намсрайжав, эм, 31, уурхайчин.
4. М.Ууганбаяр, эр, 32, программ зохиогч.
5. Зуунаа, эр, 22, эдийн засагч.
6. Р.Нямдаваа, эр, 31, техник хангамжийн инженер.
7. Б.Жадамбаа, эр, 32, банкны эдийн засагч.
8. Ц.Сэргэлэн, эр, 32, банк санхүү
9. H. Сэргэлэн, эм, 28, машинист
10. Гоби ах, эр, 49, үйлдвэрчний эвлэл.
11. Отгонбаяр, эр, 37, жолооч.
12. Оюунгэрэл, эм, 30+, Newcom property.
13. Л.Дашравдан, эр, 31, хуульч.
14. Жаргалан, эм, 25, төслийн санхүүгийн мэргэжилтэн.
15. Д.Цэвээн-Үр, эм, 30+, менежер.
16. Д.Адъямөнх, эм, 30+, нягтлан.
17. Энхболд, эр, 26, программист.
18. Б. Оюун-Эрдэнэ, эм, 35, админ
19. Б. Батчимэг, эм, 29, залуу ээж

Богд хаан уулын ноён оргил Цэцээгүн дээр гарах явган аялалын хөтөлбөр болон санамж.
2010 оны 5 дугаар сарын 29.
1. Бүртгэл. Чингэлтэй дүүргийн өмнөх талбайгаас 7.00 цагаас хөдөлнө.
Явах автомашинууд: Энхбат - 6 хүн, Ганзориг - 4 хүн, ...
2. Зайсан толгойд машинаа орхин явган аялал эхлүүлэх
3. Цэцээгүн хүрэх зам зуур цайлах
4. Цэцээгүний оргилд гарах, өргөл мөргөл хийх
5. Цайлж амрах
6. Зайсан толгой хүрэх зам зуур цайлах
7. Зайсан толгойгоос чиглэл дагуу хуваагдсан аялалын гишүүдийг гэрт нь хүргэх.

Авч явах хүнс хоол, хувцаслалт.
Шаардах материалууд:
Компас болон GPS - Ганзориг;
2 литр ус - хүн бүр;
Цай, давс - Энхбат;
Очих замд цайлах хүнс - хүн бүр;
Цэцээ гүн дээр өргөх идээ - 2 шил, 20 хүнд 100 грамм;
Цэцээ гүн дээр цайлах хүнс - хүн бүр. Тушенка авч яваарай. Монголынх нь зүгээр. МахИмпексийн жигнэсэн мах гэдэг консерв байгаа;
Цай чанах тогоо, чүдэнз;
Могойн тос, бинт;
Зайлшгүй уудаг эм, болон бусад шаардлагатай зүйлсээ мартахгүй байхыг сануулъя.
Хувцаслалт:
Аль болох хөнгөн, чөлөөтэй, дулаан хувцас;
Санал болгохоор - Салхи нэвтрүүлдэггүй куртка /windbreaker/, ууланд явахаар шагай далдалсан гутал /boots/.
Биеэ авч явах:
Гол нь нэг баг болж явах дээр нь Ганзоригийн блогт хэлсэнчлэн том толгойлохгүй, хогоо халааслаад явчих хэмжээний ухамсартай байхад хангалттай.
Ууланд гарах зөвшөөрлийг Говьсайхан авах болно.

UPD 2010.05.24 14:10
Цаг агаарын мэдээ. Халуун өдөр болох төлөвтэй. Говьсайхан ах зөвшөөрөл авав.

Сур, сур бас дахин сур

Ай хөөрхий life аа гэж. English сурах гэж ингэж үйлээ үзэхээ урд age-дээ төсөөлөө ч гүй явсан байх даа. Young байхдаа ямар юмаа ч хийж явсын, одоо brain баргийн юм хүлээж авахаасаа өнгөрчихөөд насны ass-т тамаа цайжийшд. “Сурахад never late” гэж ямар human ice муутай animal нь хэлсийн, тэрэнд нь итгээд сургуульд орцон чинь саваагүй dog moon-д хуцна гэгчээр шаал дэмий юм болчихлоо. Яджухад яг хичээлийн үеэр head биш stomach ажиллаад, meal нэхэж хонхолзон, хоржигнон дугараад салахгүй. Заалгаад заалгаад майлдаг ай, огидог ой-гоос хэтрэхгүй хүн гэж байх юм.

Сүүлдээ зүүд хүртэл тэр чигээрээ horror болжийншд. Homework тэмдэглэсэн дэвтэр амилан snake хөдөлгөөнөөр мурчигнан ирж, хоолой боомилжийно ч гэнүү. Ямрынх нь зүүд нь хүртэл жаргааж сэрээдэг softly замбуулин юм, бүү мэд.
Аа гэхдээ, автомат хариулагч шиг ярьдаг, бичдэг, орчуулдаг улс байнаа. Тэрийг харахаар муугаа мэдэхгүй yellow хөдлөхийг яана. Даанч намайг гадаадаар ярихаар хүмүүс эвэртэй rabbit үзсийм шиг strange хараад байхын. “I am woman. I live in Rich-Heart district” гэхэд чинь болохгүй what байнаа?
Борви бохисхийх ч busy хүн уул нь body-гоо дайчлах гэж байдгаараа л хичээх юм. Гэвч давтаад тогтоохгүй chest-ийг яалтай, уншаад ойлгохгүй mind-ийг яахуу. Дээрээс нь багш нар гэж ямар ч negotiation мэдэхгүй нөхдүүд. Асуудлаа ярихаар ангайтал инээнэ, эсвэл юу юугүй хөмсөг зангидаад, борооны cloud шиг баргар царайлчихна. Хүн tongue-оороо, мал foot-ээрээ гэдэггүй билүү энэ чинь.

Гутрах юм өө заримдаа, ямар star-т төрсөн нь янз янзын language ядах юмгүй ярсхийтэл сурчихаад язганатал яриад явдаг юм, ямар нь neat толгойлж, giraffe хүзүүлчихээд амьтны доог болоод явдаг юм. Boss хичээвэл destiny хичээнэ гэж шал худлаа.
Гүй тэгэхдээ, би ч хэзээнээсээ book гэхээр ургаа stone шиг, beer гэхээр уургын horse шиг trash байсымдөө. Эхээс төрөхдөө л ичих face, эмээх heart-гүй байсан юм уу хаашаа юм. Одоо хэдий adult болсон ч сурсан habit-г сураар боож болдоггүй юм байна.
За за, хусмаа /you know, sediment after boiling milk/ чамласан child шиг баахан complain хийлээ. Болохгүй бол тэр л биз, больчихно гэж нэг nice exit бий. Гэхдээ нэг anecdote ярий. Миний өрөөсөн wheel шиг байгаа юм.
Манайхны нэг гар хойно сурахаар очиж л дээ. Шинэковыг оросууд дарамтлаад водка гаргахгүй бол убю тебя мебядаа хүрч. Тэгсэн мань эр “Ты меня убёшь? Далекооо лежит” гэсэн гэжуга. Түүн шиг миний хэл сурч, ном орчуулаад нобел авах ч далекооооооооооооооо лежит байх аа даа

Хаврын синдром

Хавар. Өглөөний сэрүү. Үдийн нар. Хайлах цас... Амьд бүх зүйлс хөдөлгөөнд орж шувууд жиргэж, гудамжаар алхах хүмүүс ихсэнэ. Өглөө босох гэж нойроо харамлана. Өдрийн цагаар нойр хүрнэ, ядарна. Зарим нэг нь уур уцаартай болно. Энд тэнд шавар шалбаага, тоос шороо. Бүхий л зүйлд түүртэж ядаргааны туйлд хүрсэн мэт санагдаж залхана...
Гэхдээ охид бүсгүйчүүд хувцасаа нимгэлж нүд хужирлахад замын түгжрэл хүртэл таатай санагдаж хөтлөлцөж алхах хосуудыг хараад өөрийн эрхгүй инээмсэглэнэ. Хаврын синдром буюу хурцадсан гормоны нөлөөнд автаж өдийд хаврын солиоролыг мэдэрч эхэлдэггүй хүн ховор бизээ... Эрчүүдийн хувьд хэрхэн яаж илэрдэгийг сайн мэдэхгүй ч бүсгүй хүний хувьд бол сэм сэмхэн намжир хаяж өөрийн мэдэлгүй айлгүйтэж эхэлдэг... Энэ нь ямар нэгэн зорилготой бус зүгээр л энгийн инээмсэглэлээс ч үүдэлтэй байж болох. Тиймдээ ч бүсгүйчүүд хавар болхоор тод өнгийн хувцас өмсөж өндөр өсгийтэй гуталнаасаа салахаа байдаг биз. Хаврын синдромын бас нэгэн сайхан илрэл бол мэдээж татуургатай оймс...

Эрчүүдийн хувьд бол бүр илүү хурцадмал байдалд ордог болов уу хэмээн таамаглаж байнам. Угаасаа бүсгүйчүүдээс илүү хурдтай нөлөөнд автдаг эрчүүд хаврын үед бол бүр дээд цэгтээ хүрдэг байх даа. Таны хаврын синдром илэрч эхлээ юу ? ;)))))... Харсан зүгтээ хаашаа ч хамаагүй оргоод явчихмааар... Анд ч юм уу загасанд ч юм уу :) Тийм бол урагшаа...

Хаврын синдром нь эхэлчихсэн,

APO

P.S: Ийм үед Ламбадагийн ремикс гэгдэх On the floor by J Lo сонсоход дажгүй тохирох болов уу...

Time out

Хэсэг хугацааны туршид блогтоо шинэ зүйл нэмэх битгий хэл орж харж ч амжихгүй явсаар нэг мэдэхэд 4 сар дундаа орж... Юу юугүй зун болж Наадам гэгч баяр асуй. Бодоод байхад Монголчууд бидний хувьд нэг жил хэмээх ойлголт нь Наадам, шинэ жил болон Цагаан сар хэмээх 3 баярын дунд харвасан сум шиг л өнгөрөх юм даа... Хөгжих гэж ядаж буй улс орны хүмүүс болхоор цаг хугацаатай уралдаж энд тэнд амжих гэсээр ийнхүү санагддаг юм бол уу? Цаг бол алт гэх үгний жинхэнэ утгыг одоо л зах зухаас нь ойлгож эхлэх шэж байх шигээ. Эсвэл нас маань 30 гараад цаг хугацаагаа улам ихээр үнэлэх тусам хурдлаад байгаа юм бол уу? Нас гэдэг бол зүгээр л цаасан дээр бичигдсэн тоо гэж хэлж бас болхооргүй ч сэтгэлээрээ үргэлж залуу цоглог, эрч хүчээр дүүрэн явахыг та бүхэндээ хүсэж өөртөө итгэлтэй урам зоригоор дүүрэн яваарай хэмээн хүсмээр байна :)

Хүндэтгэсэн,

APO

BIG SALE

амьдралдаа хараагүй хямдралаа гэж...

Ямар азаар сармагчингаас үүсчихээгүй юм ккк

Тэгшитгэл 1
Хүн = хоол + нойр + ажил + хайр
Сармагчин = хоол + нойр
Үүнээс: Хүн = сармагчин + ажил + хайр
Үүнээс: Хүн - хайр=сармагчин + ажил
Дүгнэлт 1: хайр үгүй хүн, ажлаас өөр зүйл мэдэхгүй сармагчин лугаа адил

Тэгшитгэл 2
Эр хүн = хоол + нойр + цалин мөнгө
Сармагчин = хоол + нойр
Үүнээс: Эр хүн = сармагчин + цалин мөнгө
Үүнээс: Эр хүн – цалин мөнгө = сармагчин
Дүгнэлт 2: Цалин мөнгөгүй эр хүн сармагчин лугаа адил

Тэгшитгэл 3
Эм хүн = хоол + нойр + зардал
Сармагчин = хоол + нойр
Үүнээс: Эм хүн = сармагчин + зардал
Үүнээс: Эм хүн – зардал = сармагчин
Дүгнэлт 3: Зардалгүй эм хүн сармагчин лугаа адил

Эцэст нь
Тэгшитгэл 2 ба 3-аас дүгнэх нь
Цалин мөнгөгүй эр хүн = Зардалгүй эм хүн
Аксиом 1: Эр хүн цалин мөнгөтэй байснаар эмэгтэй хүн сармагчин болдоггүй!
Аксиом 2: Эм хүн зардалтай байснаар эрэгтэй хүн сармагчин болдоггүй!

Үүнээс юу гаргаж авав?
Эр хүн + эм хүн = сармагчин + цалин мөнгө + сармагчин + зардал
Ингэхээр Аксиом 1 болон Аксиом 2 үүдэж дараахи дүгнэлтийг хийж болно:
Эр хүн + Эм хүн = хамтдаа аз жаргалтай амьдарч буй 2 сармагчин!

AZ

* * *
Жди меня, и я вернусь.
Только очень жди,
Жди, когда наводят грусть
Желтые дожди,
Жди, когда снега метут,
Жди, когда жара,
Жди, когда других не ждут,
Позабыв вчера.
Жди, когда из дальних мест
Писем не придет,
Жди, когда уж надоест
Всем, кто вместе ждет.

Жди меня, и я вернусь,
Не желай добра
Всем, кто знает наизусть,
Что забыть пора.
Пусть поверят сын и мать
В то, что нет меня,
Пусть друзья устанут ждать,
Сядут у огня,
Выпьют горькое вино
На помин души...
Жди. И с ними заодно
Выпить не спеши.

Жди меня, и я вернусь,
Всем смертям назло.
Кто не ждал меня, тот пусть
Скажет: - Повезло.
Не понять, не ждавшим им,
Как среди огня
Ожиданием своим
Ты спасла меня.
Как я выжил, будем знать
Только мы с тобой,-
Просто ты умела ждать,
Как никто другой.


Константин Симонов
1941

Екатеринбург явж буй Азаад эрдэм сураад ирээрэй хэмээн чамайг хүлээж буй бүх хүмүүст хандах нь...

APO

Need you now

Энэ их сайхан дуу... Үг нь энгийн хирнээ их зүйлийг илэрхийлэхүйц. Урд нь иймэрхүү үгтэй дуу таалагдахгүй байх байсан боловч одоо бодоход эсрэгээр туйлын дажгүй бөгөөд үнэний ортой санагдаж байна... Ялангуяа ганц бие хүний хувьд... элдэв зүйл бодолгүйгээр санаж байна гэдгээ хэдийд ч залгаад хэлэх зориг одоо байх болов уу? Юунд ч баригдаж хоригдохооргүй тэр сайхан зориг, хамт байх хүсэл эрмэлзэл цагийн урсгалд хаашаа одчихдог юм бол..?

Дуунд уярсан,
APO

Male & female

Найз Түмээшкагаа хүнтэй гэрлүүлэх дөхөв... ингэж эхэлж буйг Түмээшка минь уучлах байх гэж найдаж байна. Үүнийг дурьдах болсон шалтгаан нь Түмээшкатай "гэрлэх болсон" залуу нь гарыг нь үнэрлээд эмэгтэй хүний гар яагаад ийм гоё үнэртэй байдаг юм бол гэж байн байн асууж байсан нь эгдүүтэй санагдсан юм. Үнэндээ бол бүх учир гормонд л байдаг... Ерөнхийдөө гормоны ялгааны улмаас эмэгтэй хүн тийм зөөлөн, энхрий бас гоё үнэртэй байдаг учиртай. Бид бүхний бие дахь гормон хичнээн хүчтэйг бид огт мэддэггүй. Бид ямар нэгэн зүйл эсвэл хэн нэгнийг өөрийн ухаан, чадвараараа мэдэрч сонирхдог хэмээн боддог боловч үнэндээ хүмүүс биднийг удирддаг зүйл нь бол оюун ухаан, ухамсар, сонирхол бус ГОРМОН байдаг гэдэг нь шинжлэх ухааны үндэслэлтэй юм. Мэдээж эрэгтэй болон эмэгтэй гормонууд байдаг. Гормон хэмээх ухагдахууны хувьд эр хүн бүрт ямар нэгэн эмэгтэйлэг шинж байдаг шиг эмэгтэй хүн бүрт эрэгтэйлэг зүйл ч бас илэрдэг юм.

Эмэгтэй гормон

ЭСТРОГЕН – хамгийн эмэгтэйлэг гормон. Эстрогены ачаар бүсгүй хүн гоо үзэсгэлэн, залуу насаа хадгалж сайхан арьстай, өөртөө итгэлтэй байж амьдралд сэтгэл хангалуун байдаг гэнэ. Эстрогены хэмжээ хэвийн байхад эмэгтэйчүүд их сайхан ааштай байдаг ба овор багатай харагддаг юм байна. Эстроген нь эмэгтэй хүний биед өөхийг хуримтлуулж эмэгтэй хүний биеийн галбирыг илүүтэйгээр тодотгож өгдөг. Мөн эстроген ихтэй бүсгүйчүүд шаргал үстэй байдаг тул эрчүүд шаргал үстэй бүсгүйчүүдийг илүүтэйгээр сонирхдогт гайхах зүйл үгүй. Эстроген нь тайвшруулах үйлчилгээтэй тул шоронд хоригдож буй уур уцаар ихтэй, харгис эрчүүдэд өгдөг - ингэснээр тэдэнд уур уцаараа дарахад нэмэр болдог гэнэ.

ПРОГЕСТЕРОН – эмэгтэйчүүдийн жирэмслэлтийг “хариуцдаг” гормон. Нялх хүүхэд харахад эмэгтэйчүүдийн цусан дахь прогестероны хэмжээ ихэсдэг гэнэ. Эмэгтэйчүүдийн энэхүү гормон нь тун хүчтэй ба зарим тохиолдолд эмэгтэй хүн зөөлөн тоглоом хараад л эх хүн болох хүсэл бүхий далд дохио өгдөг тул бүсгүйчүүд зөөлөн тоглоомонд дуртай байдаг юм. Харин дийлэхни эрчүүд зөөлөн тоглоомыг огт тоодоггүй нь ийм учиртай бололтой.

Эрэгтэй гормон (андроген)
ТЕСТОСТЕРОН – хамгийн эрэгтэйлэг гормон. Тестостероныг уур уцаар, харгис зангийн гормон гэж нэрлэдэг. Тестостерон нь эр хүнийг анд явж амьтан агнах, гэр бүлээ хамгаалах тэжээх эрч хүчийг өгдөг гэнээ. Орчин үеийн нийгэмд энэхүү гормон нь аюул агуулдаг учир нь одоо цагт гэр бүлээ тэжээхийн тулд жад барин ой модоор гүйх хэрэг байхгүй. Тестостероныг зохих хэмжээнд байлгахын тулд анд явдаггүй эр хүн өөртөө ачаалал өгөхүйц биеийн тамирын дасгал хийх хэрэгтэй. Тестостерон ихтэй эрчүүд сахал ихтэй байдаг ба халзрах магадлал өндөртэй. Бэлгийн боожилтын үед тестостероны хэмжээ ихэсдэг ба эрэгтэй хүүхдүүдийн дуу хоолой бүдүүрэх, сахал ургах гэх мэт шинж тэмдэг илэрдэг. Ер нь тестостерон ихтэй эрчүүд ихэвчлэн баргил дуутай байдаг ба эмэгтэйчүүдэд баргил хоолойтой залуус илүү таалагддаг нь дээрхитэй холбоотой юм байна. Эрэгтэй хүн 50-60 нас хүрэхэд биен дахь тестостероны хэмжээ буурч эхэлдэг ба тэд уур уцаар багатай, харгис зан нь үгүй болж хүүхдүүдийг харах дуртай болдог гэнэ. Тестостерон нь өвчин тэсвэрлэхэд тун нэмэртэй ба эрчүүд баргийн шалбархайг тоодоггүй нь цаанаасаа зохицуулагдсан байдаг юм байнаа.

"Нийтлэг" гормон
Андроген (түүнчлэн тестостерон) эмэгтэй хүний биед багахан хэмжээгээр ялгарч байдаг. Эмэгтэй хүн өвдөхөд цусан дахь андрогены хэмжээ ихсэж биений үсний ургалт ихсэж, хоолой бүдүүрэх шинж тэмлэг илэрдэг гэнээ. Сайхан хүүхэн сахалтай гэх үгийг ямар балай нь зохиосы юм бол хэмээх бодол өөрийн эрхгүй төрөв.

БАРИМТУУД:
Эстроген багатай хирнээ тестостерон ихтэй бүсгүйчүүд их биеэ даасан бөгөөд шийдэмгий зантай байдаг. Мөн эмэгтэй хүн сарын тэмдэгийн үед уур уцаартай болж аашилдаг нь эстрогены хэмжээ багасаж тестостерон ихэссэнтэй л холбоотой. Эсрэгээр эрчүүдийг хувьд тестостерон багатай ба эстроген ихтэй бол их эмэгтэйлэг байдаг ба гомо буюу цэнхэр залуусыг тодорхойлох шинж нь болдог юм байна.

Гормон ба секс
Гормон ба секс нь хоорондоо маш нягт холбоотой байдаг. Юуны өмнө, секс нь эндорфин буюу “аз жаргалын гормон” ялгаруулахад нөлөөлдөг. Харин эндорфин нь маш олон үр дүнтэйгээс гадна өвчин намдаах үйлчилгээтэй. Тиймээс таны шүд өвдөж байвал секс нь хамгийн өгөөжтэй эмчилгээ болно. Секс нь биед таатай ачаалал өгөхөөс гадна цусны эргэлтийн сайжруулдаг ба амны хөндийн цусны эргэлтэнд ч нөлөөлдөг. Секс хийх явцад адреналин болон кортизон хэмээх гормонууд ялгардаг ба тэдгээр нь тархины үйл ажиллагааг сайжруулдаг. Тиймээс аз жаргалын гормоноо аль болох ихээр ялгаруулж байвал та эрүүл саруул амьдрах нь тодорхой ;)

Гэр бүлийн асуудал
Гэр бүлийн харьцаа бас гормоны нөлөөнд өртдөг бололтой. Ингэхдээ тухайн хосуудын тестостероны хэмжээ ямар пропорцитай байгаа нь маш чухал гэнэ. Тестостерон багатай эрчүүд тестостерон ихтэй эмэгтэйчүүдтэй мөн яг эсрэгээр тестостерон ихтэй эрчүүд тестостерон багатай эмэгтэйчүүдтэй тун сайн тохирч амьдардаг. Цусан дахь тестостероны хэмжээ их байхаал тухайн хүн маш хатуу, өөрийнхөөрөө байдаг, харин тестостерон багатай хүн их уян хатан, зөөлөн чанартай юм байна. Гэрлэхээсээ өмнө хосууд тестостероны хэмжээгээ хэмжүүлж байвал харилцан ойлголцоход амар гэж эрдэмтэд зөвлөж байна.

Миний бодлоор ер нь л зөвхөн эр эм гэх харилцаа бус гэр бүл, ажил, найз нөхдийн хувьд ч үнэхээр үнэн бодитой гэж ойлгож байна. Эсрэг тэсрэгийн таталцал нь гормонтой л холбоотой юм байнаа гэж.... Явж тестостероны хэмжээгээ шалгуулахаас...

Эстроген ихтэй,
APO

Buuzomania

Өдөр тутмын хэв маягт аймар том өөрчлөлт оров... ажил-гэр-ажил гэдэг байсан бол ажил-гэр-БУУЗ-гэр-ажил гэх хэв маягаар гүйж явсаар Цагаан сар эхлэхээс өмнө буузнаас залхав. Ахмадуудаа хүндэлж Цагаан сараа тэмдэглэлгүй яахав, гэхдээ санаагаар болдог бол тэмдэглэдэг хэв маягийг нь жаахан өөрчилвөл ... Ялангуяа тэр элдэв бэлэг сэлтийг болимоор... за тэгээд угаасаа хүн бүр ярьдаг хирнээ өөрчилж чадахгүй л дээ... Яаж ч бодсон аав ээждээ үгүй гэх бөх зүрхтэй хүн олдохгүй бизээ...

Эрт дээрээс эхтэй
Эцэг өвөгдөөс журамтай
Эрхэм ёсыг сахиж
Идээ идээний дээж
Ирэх гийчний угтвар
Цаглашгүй хүндэтгэлийн нэг
Цай нэртэй үүнийг зочин тандаа барья
Тавтай сууж тухтай хүртэнэ үү

Булт олныг дайлдаг
Бурам жимс тэргүүнтэн
Буурал болтлоо хүртдэг
Буян чуулган хураадаг
Будааллага нэртэй идээ
Цагаан ариуны тэмдэг болдог
Цагаан сүү тэргүүтэн
Цав зоогийн тэргүүн болдог
Цагааллага нэртэй идээг
Хүн бүрийн аманд хүргэдэг нь
Хүнд мэндийн ёсоо
Хэн бүхэн хүртдэг нь
Хэзээний монголын эрхэм ёсоо

Сайхаан шинэлээрэй!!!

Татах хүч

Ойрд ажил ихтэй оройдоо цагтаа тарж чадахгүй жаахан сууж таараад байгаа. Өчигдөр орой ч ялгаагүй бас хөөрхөн суув. Ажлаа овоо дуусгаад харихаар гарах гэтэл найз Бүжин маань Shangrila дээр аяга кофе ууя гэхээр нь хар хүйтэнд залхуураад шууд харихаар хөдлөв. Гадаа такси олдохгүй хөлдөхийн даваан дээр нэг машин зогсоод хаа хүрэхийн гэхээр нь Сансар гэсэн чинь тийшээ явахгүй гэсэн боловч нэг л эргэлзээстэй зогсоод байхаар нь Еээээ явчих л даа гээд бараг хүчээр машинд ороод суучихсан чинь хөөрхий залуу аргаа бараад за би чамайг талбай руу дөхүүлээд өгье тэгээд тэндээс чи өөр такси аваарай гэхээр нь хөлдөж үхэхгүйн тулд ЗА гэлээ. Тэгсэн хамгийн хөгжилтэйн яг талбайгаар Central tower луу дөнгөж эргэмэгц тэр машины бензин дуусаад замын голд хөндлөнтөөд зогсчив. Залуу санаа зовсон шинжтэй чи ингээд буугаад өөр унаа боддоо, ямар азаар талбай хүргэж өгнө гэв, тэгээгүй бол хүнд худал хэлсэн болох байж гэхээр нь хүн чанар бас зулгаагаад би ядаж замаас гаргахад тань туслая гээд машинаас бууж түрэлцэх болов. Ядаж байхад бээлий ч үгүй, малгай ч үгүй явсаныг яаана... Тэгсэн жолооч бээлийгээ тайлж өгөөд энийг өмсөө гэхээр нь нэрэлхэлгүйгээр өмсөөд машиныг түлхэлцлээ дээ. Би энд тэнд машинтай гацахад хүмүүс сайхан сэтгэл гаргаж тусалдаг болхоор огт төвөгшөөгөөгүй эсрэгээр сайхан санагдсан шүү.

Central tower-ийг хараад найзы Бүжингийн ажлаар ордог юм уу гэж нэг бодсоноо үгүй гээд хэлчихсэн байж ямар буцалтай нь биш гээд цааш алхсаар УДБЭТ-ын харалдаа зогсож такси барих гээд хичнээн ч удав... Би угаасаа бээрэнхэй хүн ямар ч халуун барагтаа халууцдаггүй, жаахан хүйтрэхэд л даарчихдаг нөхөр өчигдөрийн хар хүйтэнд жинхэнээсээ амьд мөхөөлдөс болох дөхөв... Азаар драмаас нэг эгч гарч ирж машиндаа сууж асаагаад халахыг нь хүлээж байснаа намайг өрөвдсөн бололтой хаа хүрэхийн дөхөөд буу гэлээ. Өөр үед бол нэрэлхээд зүгээр гэх байтал өчигдөр бол ашгүй дээ, баярлалаа гээд л үсрээд суув. Тэгээд суугаад явж байхдаа найз Бүжиндээ уур хүрэх шиг... үнэхээр л уулзмаар байсан юм бол зүгээр хэлчихгүй өөрийн татах хүчээрээ тэгтэл их нөлөөлж хүнийг зовоох хэрэг юу байна гэж бодов. Бодоод байсан чинь татах хүч яах аргагүй байдаг бололтой... Энэ нь дэлхийн татах хүч буюу gravity бус харин хүмүүсийн хоорондын харьцааны татах хүчийг хэлж байгаа болноо. Гэхдээ найз Бүжин бол татах хүчээрээ миний биеийг зовоосон бөлгөө. Ер нь Бүжингээс хол байх хэрэгтэй юм шиг байнаа. Нээрээ бодоод байсан чинь хүн бүрт янз бүрийн татах хүч байдаг юм байнаа. Зарим нэг хүмүүст өөрийн эрхгүй татагдаж харин зарим нэг нөхдүүдийн хувьд шууд түлхэлцдэг. Юутай ч нэг нэгнээ зовоолгүйхэн таталцах нь дээр байх гэж гэссэн мөхөөлдөсний хувьд захимаар байнаа...

Татах хүчинд автсан,
APO

PS: НУ, ЗАЯЦ, ПОГОДИ!!!

Бүтцийн өөрчлөн байгуулалт

Ойрд ажлын ачаалал гэж аймшиг тэгээд элдэв стрессэнд өртөхгүй нь тулд бүтцийн өөрчлөн байгуулалт хийчихсэн чинь хэдэн өдөр хүмүүс намайг танихгүй, зарим нэг нь уулга алдаад хөгжилтэй байлаа... Сайн найз маань хажуугаар минь өнгөрөхдөө эргэлзсээр алхаад зөрчив, гэрийн хажуу талын дэлгүүрийн кассчин гэнэтхэн: пөөх, та байсан юм уу? юу билээ л гэж бодлоо гээд л... Хавийн хүн амьтаныг цочоогоод ойрд сайхан кайфтай байгаа шүү. Ажлын найз Цэнгэл бол шууд л чи намайг өдөж байгаа юм уу, гайхуулаад л гэж явуулах юм. Зарим нэг нөхдүүд бол шууд 2013 он болчихсон юм шиг санадлаа гэв... Бүсгүй хүний гэм биш зан болов уу байнга бүтцийн өөрчлөлт хийхгүй бол уйдаад хэцүүдэх байх. Бусдад ямар харагдах тухай бодохоосоо илүүтэйгээр өөрөө өөрөөсөө уйдахгүй байх гээд л янз янзын өөрчлөлт хийж өгнө дөө.

Гаднах төрхөө янз бүрээр өөрчилж шинэчлэлт хийх туйлын сайхан, гэхдээ хэдий тийм боловчиг хиймэл давхраа, хамар, хацрын хонхорхой, хөх болон өгзөг гэх мэт бол миний хувьд арай л бишээ... За, тэгээд бүгд нэг л эмч нараар хагалгаа хийлгэдэг солонгос охидууд шиг ив ижилхэн царайтай болчихвол утгагүй биз дээ. Хиймэл юм бол угаасаа л шал худлаа... яг л хиймэл эрхтэн байсан хэдий ч жинхэнэ эр хүний секстэй яаж зүйрлэх билээ гэдэг шиг л. Гэхдээ эрчүүдийн хувьд өөр бодолтой байж болохыг үгүйсгэхгүй. Сайхан том хөхтэй бүсгүйг хараад шохоорхохгүй эр хүн ховор байх... Тэгэхлээр эрчүүдийн хувьд хиймэл байсан ч ялгаагүй байх магадлал байнаа байна.

Бүсгүй хүний хувьд ондоо болов уу...Элдэв янзын хагалгаа хийлгэх гэж бөөнө зовлон, хийлгэчихээд дасан зохицох гэж там, хийлгэчихээд дасаад ирэхийн цагт засаж янзалж арчилна гэдэг дахин дахин хагалгаанд орохын эхлэл болой. Би лав тэгж хиймэл зүйлсийг бүр тэсэхгүй биз... Хэзээ хаана яачих бол гэж шаналсаар... Тэгээд мэдээж хүсэхэд хясна гэгчээр хамгийн тохиромжгүй үед нөгөө хиймэл нь мэдэгдэж бөөнө онигоо болно. Тэрний оронд өөрийгөө байгаагаар нь хайрлаад боломжит хэмжээндээ будаад, арчилаад явах минь...

Өөрчлөлтийг эрэлхийлсэн,
APO

Belly dance

Найз бүсгүйчүүд маань бүжиглэх туйлын дуртай тул нэг иймэрхүү бичлэг сонирхуулмаар... Дашрамд хэлэхэд манай Монголд belly dance дугуйланд яг ийм хөдөлгөөн заадаг шүү... сонирхсон хүн байвал хаягийг нь зааж өгч болно шүү ;)))

* * *

Я хочу быть с тобой - долго,
Не секунду, не час - вечно.
Проникать каждой клеткой тела,
Постигая твою бесконечность.

Дотянуться к тебе руками,
Угадав в темноте направленье,
Слиться страстно с твоими губами,
С сердцем, телом, душою, глазами...

Сквозь дыханье, едва уловимый,
Стон на пике безудержной страсти,
Как листок, тёплым ветром гонимый,
И его удержать ты вне власти...

Сладких грёз бесконечная мука,
Словно лёд от тепла расстает,
И водой, не удержишь в ладонях,
Сквозь пальцы, слезой утекает.

Накажи за то, что губами,
Я тебя не посмелa коснуться,
Что укрывшись дождём и туманом
Ухожу без надежды вернуться...

Я тебе причиняю муку.
Растерзав твою душу на части,
Своё сердце кладу в твою руку...
Краткий миг бесконечного счастья...

Манан будан

Алс газар буй найз нарыгаа санан үгүйлж байнаа. Найз нараасаа хол байхад яг л манан будан дунд төөрч буй мэт...

APO

Атга алт уу, атга ухаан уу?

Шинэ он гарахад хүмүүс өвлийн өвгөн ааваас юу хүсдэг бол..? Заавал өвлийн өвгөнд итгэж хүсэл биелэх тухай бус харин зүгээр хүмүүсийн хүслийн талаархи судалгаа хийх боломж гарвал бас л сонирхолтой үр дүн гарах магадлал тун өндөр юм. Атга алт авах уу атга ухаан авах уу гэдэг асуулт шиг... Хүн ер нь өөрт нь байхгүй, дутагдаж буй зүйлийг хүсэж тэмүүлдэг гэдэг үнэн болой. Намхан хүн өндөр хүнд дурлаж, мөнгөгүй хүн эд хөрөнгөнд тэмүүлж, ухаан муутай хүн атга ухааныг авахаар сонгож, тарган нь турах хүсэлтэй, туранхай нь таргалах гээд л ... Эсрэг тэсрэгүүд таталцдаг гэх бичигдээгүй хууль байдаг. Миний хувьд бол үүнтэй санал нийлдэг. Жишээ нь би хувьдаа хэзээ ч өөр шигээ яриа бас сэтгэл хөдлөл ихтэй хүний дэргэд удаан хугацаагаар байж чадахгүй байх. Эсрэгээр сайхан тайван, дөлгөөхөн хүний дэргэд л сэтгэл амар байдаг. Тэгэхгүй бол надтай зэрэгцээд “давалгаалаад”, баргийн хүний санаанд оромгүй зүйл сэтгээд байвал хаанаас юу хүлээхээ мэдэхгүй, аюулт бөмбөг хэзээ тэсрэх бол гээд үнэн түгшүүртэй байх биз. Учир нь миний бие ямар ч асуудалгүй тайван үе байсан ч заавал нэг асуудал ухаж олоод түүнийгээ шийдэх гээд тонхичдог энгийн бус тэнэгдүү нөхөр мөн болой. Байнга л элдэв зүйл бодож хайж байдаг хачин этгээд гэхүү дээ. Тэгэхээр миний хувьд бол намайг тэнцвэржүүлж өгдөг тормоз маягийн амгалан бас энгийн хүн сонирхдогт гайхах зүйлгүй.

2011 шинэ жилд өвлийн өвгөн ааваас юу хүсэхээ би бодоод бодоод олоогүй шүү... Энэ нь надад учиргүй бүх зүйл байгаа гэсэн үг огт бишээ. Эсрэгээр надад байгаа юм гэвэл хуруу дарам цөөхөн байх. Магадгүй элдэв сайхан зүйл хүсэж шунахын оронд төлөвшөөд эсрэгээр энгийн бодолтой болоод эхэлсэнийх юм бол уу. Аз жаргал гэдэг ер нь юу юм бэ? Сайтар бодож үзвэл шуналгүй болчихвол жаргачих ч юм шиг... гэхдээ бас худлаа юм байнаа... Хүссэнээ авч чадахгүй бол жаргалгүй болчих гээд байдаг. Ёстой л атга ухаан уу, атга алт авах уу гэдэг шиг ... Тэгээд аягүй бол толгойгоо гашилгаж гашилгаж хамгийн болохгүй зүйл хүснэ дээ... Бусдыг яаж бас юу хүсдэгийг мэдэхгүй ч би бол угаасаа толгойгоо бус зүрхээ дагаад хазайчихдаг нөхөр... угаасаа л ийм болхоор одоо засрана гэж байхгүй биз. Өнгөрсөөөн, өнөөх зүрх гэгчээ л чагнаад дагаад алхаж байхаас ... Тэгж байтал учир нь олдоно бизээ... Та бүхний хүссэн бүхэн чинь биелэх болтугай... Зүрхээ чагнаад МАРШ!!!

Хүслээ бодож амжаагүй,
APO

Happy New Year !!!

Wish all your dreams come true :)
APO